Përgjimi, si ia mori 100 mijë € 
biznesmenit, 29-vjeçari fierak

TIRANE- Ledjon Muçaraku, i riu nga Fieri që kishte mundur të ngrinte një skemë piramidale duke mashtruar rreth 900 persona, është hetuar fillimisht për akuzën e pastrimit të parave, por më pas njësia hetimore Task-Forcë në Fier ka kuptuar se kishte të bënte me një mashtrues.

Duke parë transfertat e shumta bankare dhe shumat e mëdha financiare që qarkullonte i riu, informacioni i parë që ka mbëritur nga policia në prokurori për Muçarakun, ka qënë për pastrimin e parave, pasi për 29-vjeçarin verifikimet tregonin se ai nuk kishte asnjë aktivitet tregtar që i justifikonte këto shuma. Nisur nga këto kushte prokuroria e Fierit ka vendosur të verë në përgjim Ledjon Muçarakun, duke mësuar nga bisedat telefonike se ai kryente aktivitet kriminal, ku mashtronte njerëz të ndryshëm dhe biznesmenë të njohur në Fier, duke i marrë shuma të konsiderueshme financiare me premtimin se do jua kthente me përqindje.