Shtyhet afati për të aplikuar për naftë pa taksa, deri sot kishin aplikuar 15.120 fermerë! Ministria e Bujqësisë: Afat deri në 30 mars

Shtyhet afati për të aplikuar për naftë pa taksa, deri sot kishin aplikuar 15.120 fermerë! Ministria e Bujqësisë: Afat deri në 30 mars

Një ditë para se të skadonte zyrtarisht afati, Ministria e Bujqësisë ka vendosur të shtyjë deri në 30 mars afatin që kanë fermerët për të përfituar naftën e çliruar nga taksat. Burime nga ministria thonë se shkak për këtë vendim janë bërë kërkesat e shumta nga fermerët.

“Afati i fundit për aplikimin në Skemën e Naftës për Bujqësinë do të shtyhet deri në fund të marsit. Gjatë ditëve të fundit fermerë nga gjithë vendi po vijojnë me aplikimet në portalin e-Albania dhe zyrat e AREB-ve dhe kjo zgjatje kohore do të shërbejë që të gjithë ata që kanë NIPT-in e fermerit dhe dokumentacionin e nevojshëm, të kenë mundësinë të përfitojnë sasinë e naftës falas. Shkaqet janë të shumta, por kryesore janë kërkesa në këto ditë të fundit nga fermerët dhe për këtë arsye që ti jepet mundësia të gjithëve, u be kjo shtyrje deri më 30 Mars”, thotë ministria për Report TV

Deri sot në orën 16.30 minuta sipas informacioneve për naftën pa tre taksa, atë të akcizës, taksën e karbonit dhe të qarkullimit kanë aplikuar 15.120 fermerë.

Aplikimet janë hapur me 15 janar të këtij viti dhe konsistojnë në marrjen e naftës për të mbjellat e sezonit të parë. aplikimi nga fermerët bëhet në e-Albania dhe përfitues janë vetëm fermerët e regjistruar me NIPT.

Aktualisht janë 56.436 fermerë që janë të regjistruar dhe nëpërmjet aplikimit mund të përfitojnë naftën me çmim 56% më të ulët. Një litër naftë do të blihet me 80.4 lekë nga 160.8 lekë që ishte, vendim që është mirëpritur nga fermerët.

Dhënia e naftës pa taksa do të monitorohet për të shmangur çdo mundësi abuzimi. Për këtë vit qeveria pret që të përfitojnë 70 mijë fermerë me një buxhet prej 1 miliardë lekësh, por që vlera ndryshon në varësi të kërkesës për karburant.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Si Lulzim Basha u dënua nga gjykata për shpifje për rastin e Olsi Ramës

Si Lulzim Basha u dënua nga gjykata për shpifje për rastin e Olsi Ramës