ITALI- Ka shkuar në 7 numri i viktimave që kanë humbur jetën për shkak të një stuhie që goditi ishullin Ischia, në Itali, duke shkaktuar rrëshqitje dheu të mëdha, ndërsa zona më e prekur ishte Casamicciola.
Viktima e parë e konfirmuar, mbrëmjen e së shtunës, ishte 31-vjeçarja Eleonora Sirabella. Ndërsa ditën e sotme, gjatë ditës u gjetën dy trupa të tjerë të pajetë: ai i një vajze 6-vjeçare dhe i një gruaje të moshuar. Po ashtu raportohet se janë gjetur të pajetë edhe dy fëmijë të tjerë, mes tyre një foshnje e porsalindur, si dhe trupat e dy të rriturve që dyshoet se i përkasin së njëjtës familje.
Emrat e 7 viktimave: Eleonora Sirabella, e lindur në Ischia në 1991 (31 vjeç); Francesco Monti, lindur në Napoli në 2011 (11 vjeç); Maria Teresa Monti, e lindur në Napoli në 2016 (6 vjeç); Maurizio Scotto di Minico, i lindur në Lacco Ameno në 1990 (32 vjeç); Giovanna Mazzella, e lindur në Lacco Ameno në 1992 (30 vjeç); Giovangiuseppe Scotto di Minico, i lindur në Avellino në 2022 (vetëm 21 ditësh); Nikolinca Gançeva Bllagova, e lindur në Bullgari në vitin 1964 (58 vjeç).
Ndërkohë vazhdojnë kërkimet për të zhdukurit, të cilët dyshohet se janë mbuluar nga balta. Ditën e sotme, në një seancë të jashtëzakonshme Këshilli i Ministrave shpalli gjendjen e jashtëzakonshme për shkak të përmbytjeve, ndërsa akordoi edhe 2 milionë euro për ndërhyrjet e para.
Fondi që do të alokohet do të përdoret për riparimin e disa rrugëve të bllokuara, strehimin e përkohshëm të qytetarëve që iu janë prishur banesat, apo për të siguruar ushqim dhe çdo nevojë tjetër për qytetarët në zonat e përmbytura.
Kreu i Mbrojtjes Civile, Curcio, bën thirrje për kujdes për 48 orët e ardhshme, prandaj janë marrë masat edhe për evakuimin e rreth 200 personave.
Numri i të vdekurve nga rrëshqitja e tokës në Ischia në Itali është rritur. Ekipet e shpëtimit gjetën edhe dy trupa të tjerë të pajetë, që dyshohet se i përkasin së njëjtës familje, ku u gjetën 2 fëmijët e pajetë.
Janë pesë familje që 36 orë pas përmbytjes së Casamicciola, nuk janë bërë ende të sigurta pavarësisht punës së shpëtimtarëve.
Rreth 20 njerëz, përfshirë të rritur dhe fëmijë, të gjithë të vendosur në shtëpitë në via Pera di Basso të cilat ende nuk kanë ujë të rrjedhshëm dhe energji elektrike. Ekipet e shpëtimit po dërgojnë një cisternë për t'i furnizuar me ujë, por ka mundësi që këta persona të qëndrojnë edhe një natë në shtëpitë e tyre.
‘Shërbimet e urgjencës nuk arritën dhe në mbetëm të izoluar. Nga frika dolëm jashtë dhe ishim të gjithë në shi, ku qëndruam atje për disa orë, sepse ekipet e shpëtimit e kishin të vështirë që të arrinin tek ne. Para nesh ishte humnera dhe gjithçka ishte shembur, ishte si në një film surreal.'- u shpreh Botta.
Kështu u shpreh Enzo Botta-s, vila e të cilit për pak sa nuk u përpi nga balta e që është kthyer në simbolin e tragjedisë Casamicciola.
Ka shkuar në 5 numri i viktimave nga përmbytjet në Itali në zonën e Casamicciola. Ekipet e shpëtimit kanë nxjerrë nga rrënojat edhe dy fëmijë, njëri prej tyre i porsalindur.
Trupi i pajetë i një vajze 6-vjeçare është gjetur i mbuluar nga balta, pas stuhisë që goditi Casamicciola në Itali, ndërsa vijojnë kërkimet për prindërit e saj. Vogëlushja e cila kishte veshur pizhame, ishte duke fjetur, kur shtëpia e saj u mbulua nga balta.
Ajo ishte vajza e Valentina Castagna dhe Gianluca Monti, të cilët po ashtu janë të zhdukur. Dyshohet se në të njëjtin vend ka edhe trupa të tjerë të identifikuar nga qentë e shpëtimtarëve.
Komente
Lajme të tjera
-
VIDEO/ Frikë në Udinese - Roma, Ndicka ndjen dhimbje në gjoks dhe rrëzohet në fushë! Shtyhet ndeshja
14 Prill, 19:49 -
Itali/ Veliaj takon homologët e Veronës dhe Viçencës: Zgjerojmë bashkëpunimin për ‘Eco Tiranën’, së shpejti shërbime të reja në kryeqytet
14 Prill, 15:08 -
Borxhi 250 milionë euro, arabët i 'trokasin' Interit në derë! Zhang po negocion shitjen e klubit
13 Prill, 10:24 -
Itali/ Po kryente punime në një ndërtesë, 36-vjeçari shqiptar bie nga çatia dhe humb jetën
12 Prill, 21:20 -
Ndërron jetë stilisti i njohur italian Roberto Cavalli
12 Prill, 20:44 -
Elseid Hysaj dhe vjehrri ngecin brenda Ferrarit në flakë, frikë për mbrojtësin e Kombëtares
12 Prill, 10:09 -
Lidh të fejuarën pas krevatit që të mos dalë nga shtëpia, por ajo arratiset dhe e denoncon! Arrestohet shqiptari në Itali
12 Prill, 08:05 -
E pazakontë/ Italiani i humbur prej javësh pasi ra në dashuri me “Dua Lipën” në Facebook! I dërgoi 5 mijë euro, por pasi ajo u zhduk...
11 Prill, 22:47 -
Itali/ Shpërthimi në hidrocentral, gjenden 3 të zhdukur, shkon në 6 numri i viktimave
11 Prill, 22:45 -
Arratisja e madhe: Si e ndihmoi banda kriminale e Ballkanit biznesmenin rus të ikte nga arresti shtëpiak në Itali
11 Prill, 22:08 -
Alban Daci: Italia dhe Shqipëria nuk janë vetëm një marrëveshje për emigrantët
10 Prill, 22:16
-
Itali/ Shpërthimi në hidrocentral e Bolonjës, nisin hetimet për shkakun e incidentit! Vazhdojnë kërkimet për 4 të zhdukurit
10 Prill, 19:22
Edhe te ne vdiqën 2 vetë por nuk e shpallëm se vetëm 2 ishin.
Përgjigju