Përplasja e Metës te zyrat e FRD, Gjonaj: E papranueshme, veproi jashtë rolit të tij! Vettingu mbaron në qershor 2022, opozita se minon dot më drejtësinë

Ministrja e Drejtësisë, Etilda Gjonaj tha se është një nga personat që ka dëgjuar prej 4 vitesh deklarata seksiste ndaj saj duke i cilësuar të pavlera pasi puna flet më mirë se çdo gjë tjetër. Ajo tha se në kabinetin qeveritar 58 % janë gra, ndërsa shtoi se gratë duhet të përfshihen sa më shumë në vendimmarrje për të pasur një politikë sa më të mirë.

“Nuk them se bullizoi pasi përdorimin e epiteteve seksiste sidomos për gratë në politikë unë kam 4 vite që e dëgjoj, këto i dëgjoj nga analistë kur thonë se ministrja e drejtësisë është si kukull aty dhe nuk ka gjë në dorë. Po të ishte kështu nuk do të ndiqte reformën në drejtësi, nuk do të zbatonte regjnim 41 bis, nuk do të luftonte korrupsion në administratën publike, nuk do bënte shkarkimin e drejtuesve në burgje që nuk kishin guxim të përballeshim me subjekte kriminale edhe në burgje etj. Më se sa flet puna jonë çdo lloj epiteti që i vihet grave në politikë është absolutisht dekurajuese në politikë. Sa më shumë gra të përfshihen në kabinete qeveritare aq më e mirë do të jetë edhe politika, ne kemi 58 % gra në kabinetin qeveritar”, tha Gjonaj.

Ministrja e Drejtësisë tha se procesi i vettingut ka si afat ligjor përmbylljen e saj në qershor të 2022 dhe për përmbylljen e shpjet të këtij procesi  janë shtuar këshilltarët në KPK dhe KPA.

“Vettingu ka një afat ligjor që është qershor 2022 dhe janë shtuar anëtarët e KPK dhe KPA për të ecur sa më shpjet më këtë proces dhe të përmbyllet në kohë”, tha Gjonaj

Ministrja e Drejtësisë, Etilda Gjonaj tha se opozita gjithmonë ka tentuar të minojë reformën në drejtësi pasi trembet nga ajo, por për të kjo reformë nuk ka më kthim pas.

Si funksionim të institucioneve në Drejtësi, Gjonaj vlerësoi operacionin e SPAK ku u arrestua gjyqtarja e Krujës, Enkelejda hoxha duke e  cilësuar si një mesazh për të gjithë gjyqtarët e korruptuar.

“Besoj që historia dhe ngjarjet flasin qartë. Nëse ka pasur një subjekt siç është në rastin konkret që ka ideuar dhe ka punuar fort është vetëm PS. Përtej faktit që kjo reformë u miratua me unanimitet u vu re se opozita ka dashur ta minojë. Që kur u kundërshtuan 7 ligjet e reformës që u dhunuan institucionet. Opozita ka dashur ta dhunojë dhe ta ktheje reformën, se çfarë i ka kushtëzuar në atë kohë ta votojnë me unanimitet nuk e di. Opozita e ka minuar gjithmonë reformën në drejtësi. Reformën në drejtësi se kontrollon dot asnjë parti.Në momentin që politika nuk ka më dorë në sistem, atëherë shikojmë këtë veprim që duna të rikthejnë reformën në drejtësi pas. Kjo reformën është e pakthyeshëm dhe çfarëdo që të bëjnë partitë politike është e pamundur që ajo të kthehet pas. Ne si PS kërkojmë që të vijojmë para me bërjen funksione të gjithë institucionet.  SPAK me arrestimin e Enkelejda Hoxha ishte një mesazh që i dha të gjithë qyqarëve, dhe të mos harrojmë që SPAK ka vetëm një vit punë”, tha Gjonaj