Përplasja me armë në Laç, nënkryetari i Rithemelimit të Berishës i dënuar për vjedhje në Itali! Vite më parë qëlloi me shpullë një polic

Detaje të reja në lidhje me ngjarjen e 28 nëntorit në Laç, ku u qëllua me armë zjarri nga anëtarët e Partisë Demokratike të Rithemelimit të këtij qyteti. Burime për gazetarin e Report Tv Sokol Dema, bëjnë me dije se nënkryetari i degës së Rithemelimit Kastriot Marku, pjesë e konfliktit me armë, rezulton i dënuar për vjedhje në Itali dhe ka vuajtur dënim me 5 vite burg.

Të njëjtat burime saktësojnë se Marku është arrestuar disa kohë më parë edhe në Shqipëri, për llogari të shtetit italian, por gjykata refuzoi ekstradimin dhe u la i lirë. Vite më parë Marku në një konflikt me një punonjës policie e ka qëlluar me shpullë.

Mësohet së më herët ai ka patur mbiemër tjetër, Prenga, të cilin mendohet se e ka ndryshuar për shkak të problemeve me drejtësinë në Itali, ndërsa në kohën kur në pushtet ishte Partia Demokratike ka qenë drejtor i Ujësjellësit të Laçit. Ndërkohë, Van Rica, i arrestuar tashmë për ngjarjen, është kushëri i ish-kryetarit të bashkisë Laç, Bardh Rica.

Kujtojmë se kërkesa për anëtarësime të reja të simpatizantëve me qëllim që të merrnin pjesë në votimet për kandidatët e primareve me 4 dhjetor u bë shkak i konfliktit, i cili u shoqërua edhe më të shtëna me armë zjarri në degën e Rithemelimit në Kurbin.

Ngjarja ndodhi mbrëmjen e së hënës (28 nëntor) gjatë një takimi të kësaj force politike dhe sipas burimeve Van Rica i cili mbështeste kandidatin Edmond Shkoza kishte kërkuar anëtarësimin e disa simpatizantëve, por kjo është kundërshtuar nga nënkryetari i degës së Partisë Demokratike të Rithemelimit Kastriot Marku me pretendimin se kishte përfunduar afati i anëtarësimeve.

Në debat e sipër Van Rica ka qëlluar me armë zjarri pistoletë në korridoret e zyrave të Partisë Demokratike dhe më pas është larguar, por fatmirësisht nuk pati persona të lënduar. 53-vjeçari Rica rezulton të jetë punonjës i një policie private në Laç, çka shpjegon edhe pse ai dispononte një armë. Ndaj tij janë ngritur akuzat “Mbajtja pa leje e armëve, armëve shpërthyese dhe municionit”, "Kanosja” dhe “Prishja e qetësisë publike”.

Gjithashtu në cilësinë e provës materiale u sekuestrua një armë zjarri pistoletë me të cilën dyshohet të ketë qëlluar anëtari i Partisë Demokratike Van Rica si dhe gëzhojat e gjetura në vendin e ngjarjes

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Loku Salehut: 30/11/2022 13:15

    Heu bre. Van Cica trim mbi trima, qe bon murin bira bira. O Van Cica, trushplari i kti temit.

    Përgjigju
  • Sati: 30/11/2022 11:49

    Urgjen ti vihet emri i tijë ndonjë sheshi a rruge kruesore të qytetit.

    Përgjigju
    • Anonim: 30/11/2022 13:17

      Esht gjall per mimentin por po te kushin ik per lesh do i kishin dergyar ne vorreza te deshmoreve , deshmor te liris si e ka zakin sali shpellkari

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Me floririn e Kërrabës ka minierë në Kongo', avokat Beqiri për Ilir Metën: Me akrobacitë majë shtyllës do të thotë se jam i sëmurë psiqik

'Me floririn e Kërrabës ka minierë në Kongo', avokat Beqiri për Ilir Metën: Me akrobacitë majë shtyllës do të thotë se jam i sëmurë psiqik