'Përse nuk i festojmë asnjëherë fitoret', Linda Rama: Një këshillë për mandatin e tretë të PS

Në intervistën e dhënë sonte, Linda Rama ka folur edhe suksesin e radhës të Partisë Socialiste, fitoren e mandatit të tretë në zgjedhjet e 25 qershorit. Ajo tha se ky mandat është shumë i rëndësishëm  për të çuar përpara një agjendë që vetëm Edi Rama e çon në një stacion të pakthyeshëm.

 “Nga ana tjetër, doja të thosha këtë gjë që ne asnjë fitore të Edit, se janë disa fitore, janë gjithmonë fitore në një farë mënyre, të paktën për sa kohë unë jetoj me të, ne nuk e festojmë. Asnjëherë nuk kemi festuar një fitore të zgjedhjeve të Edit sepse fitoret e partive në zgjedhje, nuk janë si fitore në sport, që ti je në një kampionat sporti, je më i miri, fiton një kupë, kupa është aty, është e pakontestueshme, e ke për gjithë jetën dhe i gëzohesh asaj kupe dhe vazhdon për kupën e radhës. Në politikë nuk është kështu. Në politikë, një fitore është thjesht një privilegj i madh dhe një mundësi e madhe për të vijuar për të bërë punë. Dhe ndërsa ti bën gjithë këto punët në vijim, është një stres i përditshëm dhe është një konfirmim që ti e kërkon që ta marrësh çdo ditë dhe çdo ditë të punës tënde”, tha Linda Rama.

LEXO EDHE:
‘Çipuri’, ish anëtari i bandës së Gaxhait në Vlorë vetëm pak ditë në qeli! Detajet si u lirua nga paraburgimi

Për Linda Ramën Partia Socialiste është sot në nivelin e misionit të saj në raport me Shqipërinë. Kur u pyet për një këshillë që do t’i jepte bashkëshortit të saj në vazhdim, Linda Rama tha se Shqipëria ka nevojë për zhvillim cilësor dhe standarde të reja.

Lajmi kryesor:

Intervista/ Linda Rama: Politikanet duhet të ngrihen në nivelin e misionit dhe të jenë katalizatore të fuqizimit të gruas! Si hoqa dorë nga privilegjet kryeministrore

K.T./Shqiptarja.com

TAG:
• edi rama
• Tirane
• PS
• linda rama