Përse po ‘i tërbon’ Edi Rama grekët?

Albin Kurti dhe Edi Rama

Kosova është sot një tjetër realitet që duket se vendet fqinje nuk e kanë edhe aq të lehtë ta pranojnë atë. Pas pavarësisë së saj, Kosovën me Shqipërinë e ndan një kufi, që ngjason me kufirin ndarës të tunelit të Krrabës mes Tiranës dhe Elbasanit.

Si një shtet i dytë i një kombi simboleve të të cilave i qëndruan me besnikëri ndër shekuj, me dëshirën e tyre qytetarët shqiptarë sot mund të bashkohen nëse e dëshirojnë, përmes një referendumi. Çfarë i pengon?

Njerëzit që janë anëtarë të një shteti kombëtar konsiderohen përgjithësisht qytetarë të atij kombi, që është një emërtim që ka konotacione kulturore dhe ligjore. Por më kryesorja, ata i bashkon një gjuhë, kulturë, histori apo një e kaluar e përbashkët.

Kryeministri i Kosovës, Albin Kurti, e ka pasur në program projektin e bashkimit kombëtar. Pas një takimi të përbashkët në Elbasan mes dy qeverive, edhe kryeministri Edi Rama nuk e përjashtoi mundësinë e një bashkimi të mundshëm.

Në një sondazh të ditëve të fundit, rreth 80 të për qind të shqiptarëve u shprehën pro bashkimit kombëtar.

Skocia për shembull është pjesë e Britanisë së Madhe, edhe pse pretendon se është një tjetër komb. Bashkimin ose ndarjen nga Britania e Madhe skocezët e kanë bazuar me referendum. Në një referendum të fundit ata vendosën të jenë pjesë e Britanisë.

Por paralelisht më këto zhvillime në Parlamentin Europuan një eurodeputet grek ka kërkuar interpelancë. “Deklaratat e kryeministrit shqiptar që shprehin ndjenjat nacionaliste ekstremiste në Shqipëri dhe Kosovë”, ka qenë kërkesa e tij drejtuar PE-së.

Manolis K. Kefalogiannis, eurodeputeti grek i Demokracisë së Re, nga Kreta, i ka kërkuar Parlamentit Europian që të dënojë deklaratat e kryeministrit të Shqipërisë, Edi Rama, mbi idenë e bashkimit Kombëtar Shqipëri-Kosovë.

Mirëpo eurodeputeti grek, paradoksalisht, me pretendime nacionaliste kërkon që të dënohet një vullnet apo e drejtë e ligjshme qytetarëve, duke i quajtur ekstremiste deklaratat e kryeministrave të Shqipërisë dhe Kosovës.

Veç Serbisë, Greqia nuk e njeh aktualisht Kosovën shtet të pavarur, sikurse nuk e njohin as vendet e tjera të BE-së si Qipro, Rumania, Spanja dhe Sllovakia.

Parlamenti Europian ka publikuar sot kërkesën e Eurodeputetit grek, pas takimit Rama-Kurti, si më poshtë para interpelancës.

Në një takim ndërqeveritar Shqipëri-Kosovë, mbajtur në Elbasan, kryeministri shqiptar Edi Rama deklaroi se do të votonte për bashkimin e Shqipërisë me Kosovën, nëse do të mbahej referendum për këtë çështje.

Ai kishte shprehur më parë qëndrimin se të dy vendet duhet të kenë një politikë të jashtme të përbashkët dhe të njëjtin president. Kjo reflekton natyrshëm pikëpamjet e nacionalistëve shqiptarë me thirrjet e tyre për një ‘Shqipëri të Madhe’ që përfshin edhe territore në Shkup dhe Greqi.

Bashkimi Evropian, nga ana e tij, vazhdimisht kërkon pajtim dhe bashkëpunim rajonal në Ballkanin Perëndimor, duke u bërë thirrje të gjithë liderëve politikë që të përmbahen nga deklaratat dhe veprimet që mund të minojnë këto parime.

Në të njëjtën kohë, Shqipëria është në pritje të hapjes zyrtare të bisedimeve të anëtarësimit, ndërsa Kosova, edhe pse nuk njihet zyrtarisht nga pesë shtete anëtare të BE-së, mbetet një kandidat potencial për anëtarësim në kontekstin e zgjerimit të BE-së drejt Ballkanit Perëndimor.

Mbi këtë pikëpamje:

Çfarë këndvështrimi ka Komisioni për deklarata të tilla, të cilat nuk pasqyrojnë vlerat e Bashkimit Evropian dhe parimin e marrëdhënieve të fqinjësisë së mirë, veçanërisht kur ato vijnë nga një vend si Shqipëria që kërkon anëtarësimin në BE?

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Grupimi Berishës koalicion me LSI për zgjedhjet e 6 marsit. Mendoni se ky vendim do u sjellë:



×

Lajmi i fundit

John

Saimir Strati mes pesë mjeshtërve të mëdhenj të mozaikut botëror: Arti për mua është përjetësi! Liria pasuria më e madhe