POP 5

Lajmet më të lexuara të 5 minutave të fundit

Kultura

Personazh/ Klara Sykaj, lahutarja më e vogël e Tropojës

Në Kukës kanë nisur përgatitjet për Festivalin Folklorik të Gjirokastrës, ku përmes konkursit përzgjidhen rapsodët, instrumentistët e valltarët që do të marrin pjesë në festival. Mes tyre është Klara Sykaj, një 12-vjeçare nga Tropoja që ka pasion lahutën. Në një intervistë për Report Tv ajo ka treguar pasionin e saj për instrumentin e lashtë

Klara Sykaj është lahutarja më e vogël e Tropojës. Nxënësja e klasës së 6-të në shkollën “Beslidhja e Malësisë” tregon se lahutën ka filluar ta mësojë në moshën 6-vjeçare.

“Pasioni lindi sepse e kam parë shumë herë në familje dhe këndoja nëpër shtëpi me lahutë”, tha ajo.

Tashmë e angazhuar në grupet artistike –folklorike, Klara do të marrë pjesë në qershor në festivalin folklorik të Gjirokastrës. Pasioni për instrumentin e lashtë ka lindur teksa dëgjonte këngët me lahutë dhe shikonte gjyshin e saj që gdhende lahutën në shtëpi. Me dëshirën për tu bërë instrumentiste e famshme, 12 vjeçarja shprehet se tek telat e lahutës gjendet historia e Tropojës.

“Gjyshin e kam parë duke gdhendur lahutën, ndërsa jam praktikuar në kurs. Ndjehem krenare se do përfaqësoj Tropojën”.- thotë ajo.

Klara Sykajn e takuam në Pallatin e Kulturës “Hasan Prishtina”, aty ku këngëtarë, valltarë dhe instrumentistë po marrin pjesë në koncertin seleksionues për të përfaqësuar qarkun e Kukësit në Festivalin Folklorik Kombëtar të Gjirokastrës. Pjesë e grupit do të jenë edhe shtatë instrumentistë të vegjël të çiftelisë.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Partia e Mitsotakis kandidon Fredi Belerin për eurodeputet, si e vlerësoni?

Lajme të tjera



×

Lajmi i fundit

Votimi pro anëtarësimit të Kosovës, 'tërbohet' Daçiç: Ditë e turpshme në Asamblenë Parlamentare të Këshillit të Evropës

Votimi pro anëtarësimit të Kosovës, 'tërbohet' Daçiç: Ditë e turpshme në Asamblenë Parlamentare të Këshillit të Evropës

16 Prill, 22:39