Po bën analiza për COVID-19/ Prokuroria e Tiranës nis hetimet ndaj Spitalit Amerikan

Spitali Amerikan

Prokuroria e Tiranës nis hetimet ndaj Spitalit Amerikan për shkak të analizave që ky subjekt privat po kryen për COVID-19. Kryeprokurorja e Tiranës, Elisabeta Imeraj, konfirmoi për “Vizion Plus” se Policia e Shtetit ka bërë një kallzim pranë organit të akuzës për të nisur hetimet për mashtrimet që po iu behen qytetarëve shqiptare me testet, në kushtet e pandemise. Mësohet se Prokuroria e Tiranës do të hetojë subjektin privat, Spitali Amerikan, sipas nenit 267 të Kodit Penal për përhapjen e informatave të rreme që ngjallin panik si dhe bazuar ne nenin 174 të Kodit Penal për kontrabande me mallra të tjera. Organi i akuzës do të hedhë shortin për të caktuar se cili prokuror do të hetojë këtë skandal korruptiv.

Spitali Amerikan prej ditësh ka nisur të kryejë analiza për koronavirusin. Zyrtarisht ky test kryhet vetëm nga Instituti i Shëndetit Publik, analizë që bëhet përmes tamponeve nazo-faringial dhe jo përmes gjakut. ISHP ka ekskluzivitetin në Shqipëri për të kryer këtë lloj analize pasi duhet certifikimi nga Organizata Botërore e Shëndetësisë. Asnjë spital privat në Shqipëri nuk është certifikuar nga OBSH për këtë lloj analize. Një ditë më parë, Ministria e Shëndetësisë sqaroi të gjithë qytetaret, se analizat për  COVID-19, nuk mund të kryhen nga asnjë spital apo laborator privat në Shqipëri. Në një reagim të saj Agjencia Kombëtare e Barnave saktësoi se deri më tani nuk ka lëshuar asnjë certifikate regjistrimi për diagnostifikimin e koronavirusit.

Më heret, shefja e Gjurmimit Epidemiologjik, Eugena Tomini konfirmoi se kjo analizë kryhet vetëm në ISHP. "Asnjë laborator tjetër privat nuk e ka mundësinë për të konfirmuar një rast të dyshuar si rast i konfirmuar nga ana e testimit laboratorik. Pra, e ritheksoj, laboratori i virologjisë ka ekskluzivitetin për të dhënë diagnozën konfirmuese” tha Eugena Tomini, drejtuese e gjurmimit epidemiologjik, ISHP. Në këto kushte, Spitali Amerikan po kryen analiza të pakonfirmuara nga OBSH dhe nga instancat shtetërore, e mbi të gjitha që këto analiza nuk kanë rezultat dhe nuk tregojnë asgjë. Në këto kushte Spitali Amerikan ka shfrytëzuar panikun dhe frikën e qytetarëve duke shpikur një analizë që kushton sa një pagë mujore mesatare në Shqipëri për të zhvatur para nga qytetarët. Marrë nga Vizion Plus

d.ba./Shqiptarja.com
  • Sondazhi i ditës:

    Një ditë afat për reformën zgjedhore, a mendoni se palët politike do vendosin në favor të qytetarëve?

Komento

Komente

  • Anonim: 05/04/2020 08:02

    Nga fotot qe postohen ja te themi ka ndihmuar. Por pergjigjen duhet ta japin mosha e vjeter jo ne, e ata mezi shohin Rtsh ne kane TV e jo me te shkruajne ketu a i ka ndihmuar Bashkia!!!

    Përgjigju
  • gazetari: 02/04/2020 14:04

    kjo eshte barcaleta me e bukur ne kohen e korones.asgje sdo behet.nje vrim ne uje.

    Përgjigju
  • Iris: 02/04/2020 03:47

    I SMELL A RAT(ALLAJBEAJ)

    Përgjigju
  • Populli: 01/04/2020 20:04

    Hajd se regullohe i ju.. Do harrohet si gjithmone.. Drejtesi e korruptuar ne gjeneze..Pergjysmoni pagat kesaj shtrese te krimbur me para.. Populli ska te haje..

    Përgjigju


×

Lajmi i fundit

John

Atentati! 20 të shoqëruar, ende në kërkim atentatori i dytë! Shënjestra kishte lokal në Bllok