'Polic ke qenë dhe vijon të jesh'/ Lleshaj kërkon falje për deklaratën në Kuvend për Murrizin: S'ishte në kuptim pezhorativ

'Polic ke qenë dhe vijon të jesh'/ Lleshaj kërkon falje për deklaratën në Kuvend për Murrizin: S'ishte në kuptim pezhorativ

Ministri i Brendshëm, Sandër Lleshaj kërkoi ndjesë publike përmes një statusi në rrjetet sociale pasi një ditë më parë iu drejtua në Parlament deputetit Myslim Murrizi të cilit i tha “polic ke qenë dhe polic do të mbetesh”.

Sipas ministrit kjo replikë më deputetin është keqinterpretuar pasi ai në fillim të madatit ka thënë se cdo polic do të identifikohet me fytyrën e tij. Edhe një herë, ndjesë kujtdo që mund të ketë keqkuptuar reagimin tim të djeshëm shkruan Lleshaj

" Nga një person shumë i nderuar kam marrë sot një shqetësim, për reagimin tim të djeshëm ndaj deputetit Myslim Murrizi në Kuvend. Duke marrë shkas nga kjo dhe në respekt të të gjithë atyre që mund të kenë keqkuptuar thelbin e reagimit tim, kërkoj fillimisht dhe sinqerisht ndjesë.

Në të njëjtën kohë, mendoj se janë të nevojshme disa sqarime për këtë:

1. As dje dhe asnjëherë unë nuk i përdor në kuptim pezhorativ fjalët polic, ushtar apo kapter, për arsyen e thjeshtë se e di mirë se ata që personifikohen si të tillë janë ndër njerëzit më dinjitozë të këtij vendi, profesionistë, patriotë, trima dhe plot dinjitet. Ata i japin këtij vendi shumë shërbim, sakrificë dhe nder.

2. Në daljen e parë publike si Ministër i Brendshëm, jam shprehur se qytetarët duhet të më shohin mua si ministër, tek çdo punonjës i Policisë së Shtetit, duke u IDENTIFIKUAR kështu personalisht me secilin prej tyre.

Ky identifikim me ndërgjegje të plotë me policët e Shqipërisë është më shumë se sa respekt për shërbimin e tyre. Dhe ata e dinë shumë mirë këtë gjë.

3. Replika ime e djeshme u bë në përgjigje të sulmeve të ulëta të deputetit Murrizi kundër Policisë së Shtetit, kundër etiketimeve të tij ndaj saj dhe në përpjekje për të sqaruar se, as deputetët nuk qëndrojnë mbi ligjin dhe se Policia nuk e ka tagrin për të zbatuar ndonjë ligj tjetër ndaj deputetëve, të ndryshëm nga ai që zbatohet për qytetarët e tjerë.

4. I ndodhur përballë një ndërprerje të padenjë të fjalës time dhe agresionit verbal nga deputeti Murrizi, i kam kujtuar atij se ka qenë polic në Policinë famëkeqe Financiare të viteve 90-të, pikërisht për t’i thënë se ai nuk e ka të drejtën morale të përbaltë Policinë e Shtetit, e cila gëzon sot vlerësimin më të lartë të qytetarëve dhe të partnerëve.

5. As nuk më ka shkuar ndonjëherë në mendje që t’i drejtohem deputetit Murrizi si polic, në kuptimin e punonjësit të sotëm të Policisë së Shtetit, për arsye se me qëndrimet e tij të padenja ndaj Policisë, me fjalorin e tij që përbëhet vetëm nga disa fjalë vulgare të huazuara kryesisht nga zoologjia dhe me biografinë e tij të shkurtër prej disa rreshtash është i skualifikuar në mënyrë absolute nga mundësia që të cilësohet si polic.

Vetëm sa i kam përmendur faktin se ka qenë polic në Policinë e dikurshme Financiare. Edhe një herë, ndjesë kujtdo që mund të ketë keqkuptuar reagimin tim të djeshëm", shkruan Lleshaj.

B.K./E.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 31/10/2020 01:51

    Zakonisht, ne te gjithe vendet e botes,forcat e armatosura, kane nje fare perbuzje dhe rivalitet ndaj njera-tjetres,qe edhe shprehet ndonjehere,por qe nuk eshte e rrezikshme.Ne rastin konkret z.Lleshaj vjen nga ushtria,qe ndoshta e shikon policine me poshte ne rang.Nuk ka ndonje gje te keqe,por per postin qe ka, do ishte me mire te mos ishte shprehur fare.

    Përgjigju
  • Myftar: 30/10/2020 19:58

    FALJE=DORHEQJE

    Përgjigju
  • Mondi: 30/10/2020 19:32

    Z minister nuk mbulohet. Muti me shurre Conceptin tend per vartesit e tu e the qarta.ne fund te fundit ti ske faj se aq tru ke. Fajin e ka rama qe se di se nga cgjiriz te nxorri e te beri minister Koker e malokut koketrash

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

'Tempulli' deri tani u sekuestruan mbi 1600 kg drogë, Balla: Do vijojmë

'Tempulli' deri tani u sekuestruan mbi 1600 kg drogë, Balla: Do vijojmë