Pompeo konfirmon rivendosjen e sanksioneve amerikane në Iran

Sekretari amerikan i Shtetit, Mike Pompeo ka thënë se Shtëpia e Bardhë do të bëjë një njoftim sot, rreth rivendosjes së sanksioneve në Iran, duke përfshirë kufizimet në monedhë. Ky njoftim ka ardhur teksa Pompeo u ka thënë gazetarëve se Shtetet e Bashkuara do të “zbatojnë sanksionet” që do të rivendosin, pas vendimit të presidentit amerikan, Donald Trump për të larguar SHBA-në nga pakti bërthamor i vitit 2015, që Teherani ka nënshkruar me gjashtë fuqi botërore.

Zyrtarët amerikanë kanë thënë se nga 7 gushti, Qeveria Iranine nuk do mund të blejë monedha amerikane dhe se sanksionet do të shtrihen në industrinë e shtetit, duke përfshirë eksportin e qilimave të famshëm persianë. Në komentet e tij para gazetarëve, Pompeo ka thënë se presioni i shtuar ndaj Teheranit është përgjigjje ndaj “aktivitetit të dëmshëm të Iranit”.

Pompeo ka theksuar se iranianët nuk janë “të lumtur me dështimin e udhëheqësisë së tyre rreth premtimeve që kanë bërë për ekonomi”. Pakti bërthamor i vitit 2015 ka liruar Iranin nga sanksionet, në këmbim të frenimit të aktivitetit nuklear. Trump ka tërhequr SHBA-në nga pakti në muajin maj, duke thënë se Irani nuk është duke zbatuar shpirtin e marrëveshjes dhe pati premtuar rivënie të sanksioneve./REL

LEXO EDHE:
Çudi në NBA, Boston mposhtet nga Miami në shtëpi! Oklahoma merr epërsinë 2-0

TAG:
• SHBA
• iran
• mike pompeo
• kufizimet në monedhë

Sondazhi i ditës:

A ka politika frikë nga SPAK-u?

• Po

  68.7%

• Jo

  26.4%

• Nuk e di

  4.9%

Vota total: 3574

• Sondazhi i ditës:

  A ka politika frikë nga SPAK-u?

  Po Jo Nuk e di