PPE refuzon Berishën, Ministrja e Shtetit ironizon: Saliu vijon shkulmon nga prapa diellit, po të gjallët pse e ndjekin

PPE refuzon Berishën, Ministrja e Shtetit ironizon: Saliu vijon shkulmon nga prapa diellit, po të gjallët pse e ndjekin

Sali Berisha

Ministrja e Shtetit për Marrëdhëniet me Parlamentin, Elisa Spiropali ka ironizuar reagimet e ish-kryeministrit Sali Berisha, pasi ai u paralajmëruar se do të përjashtohet nga bashkëpunimi me Partitë Popullore Europiane nëse rikthehet në krye të PD-së.

Me anë të një postimi në Facebook, ministrja shkruan se Saliu vijon që të shkulmojë prapa diellit, por sërish nuk pranon të flasë se çfarë e shtyn atë deri në këtë pikë. Ndër të tjera, Spiroplai shkruan se mbështetësit e Berishës të cilët vijojnë ta ndjekin, si nuk marrin vesh asgjë.

‘Saliu sot ka tërë ditën që shkulmon nga mbrapa diellit dhe çfarë nuk thotë përveç asaj që e ka shtyrë të shkulmojë! Dje ka marrë lajmin e keq fare se emri i është fshirë edhe nga lista e miqve në CDU dhe madje se po e vunë në krye, do ta nxjerrin megjithë parti jashtë nga PPE! Mirë Saliu që na ka lënë e bërtet jam gjallë, po të gjallët që vazhdojnë e ndjekin si nuk marrin vesh asgjë xhanëm!’- shkruan Spiropali.

Një ditë më parë deputeti i CDU-së Gunther Krichbaum deklaroi se nëse Sali Berisha vendoset në krye të Partisë demokratike ai do të angazhohet personalisht për të pezulluar procedurat për anëtarësim në nivel të Partisë Popullore Evropiane. Por Berisha iu përgjigj duke thënë ai është krejtësisht një qëndrim personal dhe se ndjen keq ardhje për Krichbaum nëse mendon se mund të ndërhyjë në zgjedhjet e PD-së.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të miratohet ligji për amnistinë fiskale deri në 2 milionë euro?



×

Lajmi i fundit

John

Përleshje e dy grupeve shqiptare në aeroportin e Perugias në Itali! 8 persona të arrestuar, momenti kur qëllohen me grushta e shkelma (VIDEO)