'Shantazh në emër të një ambasade të huaj', Presidenca kërkesë Prokurorisë: Verifikoni numrin që shantazhoi Tedi Blushin

TIRANE- Presidenca i ka dërguar në kërkesë Prokurorisë që të verifikojë numrin që sipas saj i ka bërë presion zëdhënësit për Mediat të presidentit Ilir Meta, Tedi Blushi. Sipas presidencës personi që ka telefonuar Tedi Blushin i ka kërkuar që të fshijë një status në rrjetet sociale të bërë për shkak të detyrës.  

Presidenti Ilir Meta u shpreh dje se zëdhënësi i tij është shantazhuar në emër të një ambasade të huaj. Sipas tij shantazhi ka ardhur vetëm 30 minuta pas statusit të bërë nga Blushi në përgjigje të Ambasadës Amerikane duke i quajtur ndërkombëtarët grup të strukturuar diplomatik. Meta sulmoi edhe diplomatët e huaj në Shqipëri duke i bërë përgjegjës për këtë kërcënim.

"Po, zëdhënësi im, z.Tedi Blushi është shantazhuar në emër të një Ambasade të huaj në Tiranë, që të tërheqë një postim të bërë sot paradite për shkak të detyrës brenda 30 minutash. Kam kërkuar hetim të menjëhershëm. Shpresoj të jetë lojë e Rilindjes por mjerë ata diplomatë që mund të kenë kërcënuar Zëdhënësin e Presidentit të Republikës." shkruante Meta një ditë më parë.

TAG:
• Presidenca
• Ilir Meta
• tedi blushi