Charles Michel pozitiv për hapjen e negociatave të Maqedonisë së Veriut në BE teksa Shkupi ende nuk ka konfirmuar propozimin e Macron

President i Këshillit Evropian, Charles Michel me anë të një postimi ne Twitter është shprehur pozitiv sa i përket procesit të anëtarësimit të Maqedonisë së Veriut në BE.

Në një video qe ka publikuar ne rrjetin social, Michel duket me kryeministrin e Maqedonisë së Veriut, Dimitar Kovacevski.

'Ju jeni duke vendosur për të ardhmen tuaj dhe në hapat kryesorë të ardhshëm. Maqedonia e Veriut bën pjesë në BE. E ardhmja juaj është me ne. Së bashku jemi në prag të një përparimi të mundshëm në procesin e anëtarësimit të vendit tuaj në BE.'-shkruan Michel. 

Pavarësisht gatishmërisë së presidentit të Këshillit Evropian Charles Michel, propozimi francez ka 'ndezur' reagime në Maqedoninë e Veriut.

Disa pretendime të ardhura nga kreu opozitar në Maqedoninë e Veriut, Hristijan Mickoski ka ngritur dyshime për propozimin francez si të papranueshëm duke shtuar se cenon identitetin, duke i dhënë përparësi gjuhës bullgare.

Edhe pse kryeministri i vendit u shpreh se propozimi do të kalojë në proces të gjatë konsultimi kreu i opozitës i jep të drejtën shtetit Bullgar të ndryshojë libra dhe të shkruajë sipas diktatit bullgar. Ai pohoi gjithashtu se ky propozim u fsheh nga qeveria.

Aty ku dukej se propozimi francez ngjalli debate vetëm në palët kundërshtare të partive, qytetarët e Maqedonisë së Veriut janë ngritur në 'këmbë' për të tretën ditë radhazi kundër propozimit francez për zgjidhjen e ngërçit midis RMV-së dhe Bullgarisë.  

Protestuesit në Shkup kundërshtojnë propozimin e Macronit për heqjen e vetos bullgare, pasi pretendojnë se propozimi francez lejon “bullgarizimin” e Maqedonisë së Veriut dhe nuk  njeh as gjuhën e as historinë maqedonase, dhe kërkojnë që ai të refuzohet nga ekzekutivi, ndërkohë që kryeministri Dimitar Kovaçevski, e ka përshkruar si “bazë të fortë për ndërtimin e një qëndrimi për mundësi të hapjes së shtetit tonë”.

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Çmimet e hidrokarbureve, a po i mbron Bordi i Transparencës interesat e qytetarëve?



×

Lajmi i fundit

Autobusi i linjës Durrës-Porto Romano u përfshi nga flakët, kreu i PD Cara: Pasoje e gjendjes së mjeruar të transportit publik

Autobusi i linjës Durrës-Porto Romano u përfshi nga flakët, kreu i PD Cara: Pasoje e gjendjes së mjeruar të transportit publik