Presidenti i Koresë së Jugut mbrojti të enjten vendimin e tij për të vënë në fuqi ligjin për gjendjen e jashtëzakonshme duke e quajtur një akt qeverisjeje dhe hodhi poshtë akuzat për rebelim, duke denoncuar përpjekjet e opozitës për shkarkimin e tij dhe hetimet për vendimin e tij të javës së kaluar.
Deklarata Presidentit Yoon Suk Yeol në televizion erdhi disa orë përpara se Partia Demokratike, forca kryesore e opozitës, të paraqiste një mocion të ri për shkarkimin e tij.
Partia e opozitës planifikon ta hedhë mocionin për votim të shtunën. Përpjekja e saj e mëparshme për të miratuar shkarkimin e zotit Yoon dështoi të shtunën e kaluar, pasi ligjvënësit e partisë në pushtet bojkotuan një votim në Asamblenë Kombëtare.
Dekreti për vendosjen e ligjit ushtarak që Presidenti Yoon nënshkroi më 3 dhjetor ka shkaktuar kaos politik dhe protesta që kërkojnë rrëzimin e tij.
"Unë do të luftoj deri në fund, për të mos lejuar forcat dhe grupet kriminale përgjegjëse për paralizimin e qeverisë së vendit dhe cenimin e rendit kushtetues të vendit që të kërcënojnë të ardhmen e Republikës së Koresë," tha zoti Yoon.
Ai tha se vendimi i tij kishte për qëllim të mbronte demokracinë e vendit dhe rendin kushtetues përballë partisë liberale të opozitës, e cila ai thotë se ka paralizuar shtetin ligjor dhe kërcënuar kushtetutën.
Zoti Yoon tha se dekreti i tij ishte një akt qeveritar që nuk mund të bëhet objekt hetimesh dhe nuk përbën rebelim. Të mërkurën, zyra e tij i rezistoi një përpjekjeje të policisë për të kontrolluar kompleksin presidencial.
Fokusi kryesor i hetimit është të përcaktojë nëse zoti Yoon dhe zyrtarë të tjerë të lartë ushtarakë dhe qeveritarë të përfshirë në vendosjen e gjendjes së jashtëzakonshme kryen rebelim, një dënim për rebelim mbart një dënim maksimal me vdekje.
Në fillim të kësaj jave, ish-ministri i mbrojtjes i zotit Yoon u arrestua nën akuzat se kishte luajtur një rol kyç në rebelim dhe për keqpërdorim të pushtetit.
Ai u bë personi i parë i arrestuar zyrtarisht për dekretin e ligjit ushtarak. Kim, një nga bashkëpunëtorët e ngushtë të Presidentit Yoon, është akuzuar se i sugjeroi zotit Yoon vendosjen e ligjit ushtarak dhe dërgimin e trupave në Asamblenë Kombëtare për të mos lejuar ligjvënësit që të votojnë për të.
Megjithatë në sallën e parlamentit hyri një numër i mjaftueshëm ligjvënësish për të votuar njëzëri për të hedhur poshtë dekretin e zotit Yoon, duke e detyruar Kabinetin ta shfuqizonte atë përpara në më pak se 24 orë./VOA
Lajme të tjera
-
Ish-ministri i mbrojtjes i Koresë së Jugut tenton të vetëvritet, teksa ishte në paraburgim
11 Dhjetor, 08:07 -
Arrestohet ish-ministri i Mbrojtjes në Korenë e Jugut për zbatimin e ligjit emergjent ushtarak
10 Dhjetor, 19:07 -
Arrestohet ish-ministri i Mbrojtjes në Korenë e Jugut, zyrtari akuzohet për shpalljen e ligjit ushtarak
8 Dhjetor, 16:00 -
Shpalli shtetrrethim, presidenti i Koresë së Jugut, i mbijeton shkarkimit nga parlamenti
7 Dhjetor, 13:35 -
Shpalli ligjin ushtarak, Presidenti i Koresë së Jugut kërkon falje, por nuk dorëhiqet: E bëra nga dëshpërimi! I 'mbijeton' shkarkimit nga Parlamenti
7 Dhjetor, 10:09 -
Korea e Jugut/ Urdhëroi arrestimin e disa politikanëve, partia në pushtet kërkon largimin e presidentit
6 Dhjetor, 08:51 -
Korea e Jugut/ Shpalli ligjin ushtarak pa argumentuar vendimin, presidenti drejt shkarkimit pas kaosit politik
4 Dhjetor, 12:03
-
Kore e Jugut/ Presidenti shpalli shtetrrethimin, parlamenti e rrëzon! Ushtria e policia përleshen me demostruesit, më pas tërhiqen
3 Dhjetor, 15:42 -
SHBA, Japonia dhe Koreja e Jugut koordinojnë përgjigjen ndaj kërcënimeve të Phenianit
16 Nëntor, 19:10 -
Seuli paralajmëron se do ta godiste Phenianin në rast të një sulmi bërthamor
8 Nëntor, 15:23 -
Lufta në Ukrainë/ Korea e Jugut nuk përjashton mundësinë e dërgimit të raketave Hawk në Kiev! Zelensky - Perëndimit: Na lejoni sulmet thellë brenda Rusisë
31 Tetor, 17:36 -
Paris 2024/ Mungesa e kushteve, Koreja e Jugut largon gjashtë atletë nga Fshati Olimpik
27 Korrik, 09:39
