Presidenti Mattarella: Mbështetje ndërkombëtare për çështjen e migrantëve, në veçanti BE-ja

Presidenti italian Sergio Mattarella, në një mesazh me rastin e Ditës Botërore të Refugjatëve u shpreh se Italia po mbështet emigrantët, të cilët u detyruan të largohen nga vendet e tyre me shpresën për një të ardhme më të mirë. 

Italia po kontribuon me solidaritetin, ndihmën dhe mikpritjen e atyre që u detyruan të largohen nga tokat e tyre dhe bënë përpjekje për të gjetur shpresën e një të ardhmeje më të mirë për veten dhe për fëmijët e tyre. I bëj thirrje komunitetit ndërkombëtar dhe Bashkimit Europian të ndërmarrë hapat e duhura. Republika Italiane respekton rregullat e vendosura nga ligji ndërkombëtar për pritjen e atyre që kanë të drejtë për mbrojtje. Tragjedia e refugjatëve, burrave, grave dhe fëmijëve të detyruar të largohen nga shtëpitë e tyre në kërkim të një vendi për të jetuar tani është më aktuale në mënyrë dramatike, pasi siç theksuan edhe Kombet e Bashkuara, komuniteti ndërkombëtar duhet të punojë me zgjidhje të përbashkëta politike dhe largpamëse për të menaxhuar një fenomen që ndikon në të gjithë botën.

Presidenti italian Sergio Mattarella

Bashkimi Europian, në veçanti, duhet të jetë në gjendje për të ndërhyrë si një i tërë, theksoi presidenti Mattarella.

LEXO EDHE:
Prokurori që po heton Sali Berishën nderohet me titullin e lartë nga Presidenti italian! Arben Kraja 'Kalorës i Urdhrit të Meritës i Republikës Italiane'

TAG:
• Sergio Mattarella
• çeshtja e emigranteve
• solidarizim nderkombetar

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  19%

• Jo

  72.5%

• Nuk e di

  8.6%

Vota total: 2194

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di