Më 22 prill 2021, Prezenca e OSBE-së në Shqipëri përmbylli një fushatë tremujore për edukimin e zgjedhësve lidhur me zgjedhjet parlamentare të 25 prillit. Fushata, e zhvilluar në bashkëpunim të ngushtë me Komisionin Qendror të Zgjedhjeve, synoi njohjen e zgjedhësve me ndryshimet e Kodit Zgjedhor, dhe nxiti pjesëmarrjen e tyre në zgjedhje.
Si pjesë e fushatës, Prezenca përgatiti dy spote televizive informuese, ku u bëhej thirrje qytetarëve të kontrollonin vlefshmërinë e dokumenteve të tyre të identitetit dhe saktësinë e të dhënave në listat e zgjedhësve, si edhe jepej informacion për krimet zgjedhore. Spotet u transmetuan në televizionin publik dhe privat dhe u shpërndanë në rrjetet sociale.
Për të rritur ndërgjegjësimin e grave dhe të të rinjve romë dhe egjiptianë, Prezenca organizoi sesione online dhe takime fizike për edukimin e zgjedhësve, si edhe përgatiti podkaste të fokusuara te nxitja e pjesëmarrjes, informimi për ndryshimet ligjore dhe procedurat e votimit.
Fushata synoi edhe të rinjtë – përfshirë ata që votojnë për herë të parë dhe të rinjtë me kufizime në shikim – për t’i njohur ata më mirë me procesin zgjedhor. Në këto takime u diskutuan edhe lajmet e rreme dhe ndikimi i tyre në zgjedhje, si edhe ndikimi i medias në perceptimet dhe zgjedhjet e zgjedhësve. Po ashtu, Prezenca organizoi katër seminare online me gazetarë, që mbulojnë zgjedhjet, nga media publike dhe private. Ato u përqendruan në risitë e këtyre zgjedhjeve, si edhe në mjedisin e duhur për gazetarët që të raportojnë për çështjet zgjedhore në mënyrë të saktë, të paanshme dhe të balancuar.
Më shumë se 300 pjesëmarrës ndoqën sesionet informuese dhe trajnimet, online apo fizikisht.
Fushata u zbatua në përputhje me mandatin e Prezencës për të ndihmuar Shqipërinë në zhvillimin e institucioneve demokratike dhe për të promovuar shtetin e së drejtës. Disa nga veprimtaritë e fushatës u organizuan si pjesë e projektit të Prezencës “Mbështetje për parlamentin dhe edukimin qytetar në Shqipëri”, i cili mbështetet nga Agjencia Zvicerane për Zhvillim dhe Bashkëpunim SDC.
Lajme të tjera
-
Celibashi diskuton me përfaqësues të ODIHR për auditimin e teknologjive në zgjedhje: Vendosëm piketat për bashkëpunim të ngushtë teknik
13 Prill, 19:27 -
Prezenca e OSBE-së organizon vizitë në Suedi për gazetarët shqiptarë, për të përmirësuar raportimin për çështjet e sigurisë
13 Prill, 14:03 -
Auditimi i fondeve për 2022/ KQZ gjobit 108 parti politike! PD e PS nga 60 mijë lekë gjobë, ‘shpëton’ Partia e Lirisë
9 Prill, 17:02 -
20 mijë qytetarë nuk dalin dot nga banesa për të votuar, KQZ: Merrni masa ligjore, dërgoni kutitë e votimit në shtëpi
3 Prill, 13:29 -
Larg debatit për Himarën, Celibashi për Report Tv: Për ne çështja mbaroi me shpalljen e rezultatit! Apel politikës: Jeni vonë për votën e diasporës
29 Mars, 15:39
-
Ambasadorët e QUINT-it në OSBE vizitë në Shqipëri: Përmbushni rekomandimet e ODIHR për reformën zgjedhore
19 Mars, 17:52 -
Eduard Zaloshnja: Vetëm në 3.88% të qendrave të votimit s’funksionoi teknikisht identifikimi elektronik, por u krye ai fizik
14 Mars, 14:50
-
KQZ: Identifikimi elektronik dështoi në 12% të qendrave të votimit
13 Mars, 22:19 -
Reforma Zgjedhore, ODIHR thirrje partive politike për veprime konkrete: S’po shohim asnjë përparim! Rekomandimet tona nuk janë përfshirë
5 Mars, 19:10 -
Gjiknuri dhe Alibeaj takohen me përfaqësuesit e ODIHR-it, dakordësim për mënyrën e hartimit të drafteve ligjore për ndryshime në Kodin Zgjedhor
4 Mars, 17:30 -
OSBE trajnon qentë…
2 Mars, 18:06
-
‘Keqpërdorim i administratës publike’, Stano thirrje Serbisë: Zbatoni rekomandimet e ODIHR-it për zgjedhjet parlamentare
29 Shkurt, 16:32
