Primaret/ Socialistë në listat e votuesve? Berisha: Se vë dorën në zjarr që s’ka pasur! Asnjë kandidat nuk kam favorizuar

 

Sali Berisha i përgjigjet akuzave se ka favorizuar kandidatë në garën për primare. Ndalur në akuzat e kandidatit në Kamëz, Shemsi Prençi se në listat e votuesve kishte edhe socialsitë, Berisha tha se edhe mund të ketë ndodhur, por sipas tij nuk ka ndikim në rezultat, Berisha tha se mund të jenë regjistruar miqtë e një kandidati të caktuar për ta votuar.

“S’ka patur asnjë kandidat të mbështetur nga Berisha as nga kryesia e PD-së. Se çfarë kanë kuptuar me paracaktim ata rivalë unë nuk e di se cila është. Natyrisht ky komision ka bërë një punë të jashtëzakonshme me verifikimet për ankesat e bëra për listat. A ka patur edhe zgjedhës socialistë në ato lista? Unë dorën në zjarr nuk e vë se nuk ka patur. Së pari ne jemi kjo shoqëri që jemi dhe kandidati apo kandidatja mund të kenë shoqe miq socialistë, i fton. Por të jem i sinqertë edhe e votojnë në PD, por edhe mund ta votojnë në zgjedhje të përgjithshme, sikundër ndodh e kundërta. A kanë qenë një problem këto raste ekzotike. Jo nuk kanë qenë. Mund të kenë ndodhur. S’ka ndonjë ndikim në procesin e votimit”, tha Berisha.

LEXO EDHE:
I dha PD-në Berishës, gjyqtari Agron Zhukri me 1 miliard lekë pasuri, përballet me bilance negative në vlera të mëdha në KPK

Lajmi kryesor:

Përfundon votimi për primaret, Berisha: Procesi s'ishte i përsosur! 7 bashki në balotazh! Ja disa prej fituesve

SI.E./KT/Shqiptarja.com

TAG:
• primaret e berishes
• sali berisha
• komisioni i rithemelimit