X

POP 5

Lajmet më të lexuara të 5 minutave të fundit

Sociale

“Prindër që shkrihen gazit me foshnjat e tyre”, psikologia Lira Gjika: Frika s’largohet duke i përplasur fëmijët në ujë

Sezoni i plazhit veç çmimeve të larta, ka hapur një tjetër debat mbi marrëdhënien prind-fëmijë dhe sjelljet e të rriturve, në testimin e parë të fëmijës në një terren të huaj për të siç është deti. Psikologia Lira Gjika jep disa këshilla të vlefshme.
“Prindër që shkrihen gazit me foshnjat e tyre”, psikologia Lira Gjika: Frika s’largohet duke i përplasur fëmijët në ujë

Lira Gjika, psikologe

Psikologia Lira Gjika, në një shkrim të fundit në faqen e saj në Facebook, është ndalur tek sezoni i verës dhe marrëdhënia e prindërve me fëmijët e tyre në plazh.

Gjika ka treguar një ndodhi në një plazh në Shqipëri, ku një gjyshe ka futur një fëmijë në ujë për t’i mësuar lezetin e ujit. Fëmija sipas psikologes, filloi direkt të qante, ndërsa e ëma qeshte. Psikologia iu bënë thirrje prindërve të mos përplasin fëmijët në ujë, sepse Gjika thotë se dëmtohen mekanizmat e empatisë tek fëmija.

Statusi i plotë:

Në një nga plazhet e jugut, një gjyshe nga këto të zonjat, që e kapin situatën për “brirësh”, i mori fëmijën dy vjec nënës nga dora dhe e futi në det, që t’i mësonte “lezetin e ujit”. Fëmija filloi të ulerije i tmerruar, por pa dobi, nëna rrinte dhe e shikonte duke qeshur dhe sikur nuk mjaftonte nëna indiferente, me të u bashkuan edhe të rritur të tjerë që qeshnin me ulërimat e fëmijës.

Ky zakoni makabër i të rriturve, që qeshin apo shkrihen gazit me fëmijën e vogël të tmerruar nga mospërfillja dhe frika, vazhdon të jetë praktike e zakonshme pa na preokupuar për pasojat që mund të shkaktojë. Prindër dhimsuria nuk është nje gje e lindur, ajo mesohet e zhvillohet nëpërmjet sjelljes së prindërve ndaj femijës dhe më pas edhe nga të rritur të tjerë pranë fëmijës.

Prindër kini kujdes nga këto sjellje tuajat. E para, frika nuk largohet duke e “përplasur” fëmijën në ujë dhe duke qeshur. Kjo mënyre vetëm dëmton mekanizmat e empatisë. Ju mund tu vijë për të qeshur por fëmija është i tmerruar. E dyta, a ju ka shkuar ndërmend se si do të ndiheshit në një situatë të tillë, që ju të ishit të tmerruar dhe ata që ju kanë në dorë të qeshin e tallen ? Prindër mos luani me emocionet e pa formuara të fëmijeve tuaj dhe mos u çudisni nëse një ditë fëmija juaj, mund të bëhet i pandjeshëm dhe indifferent ndaj të tjerëve, kështu e keni “gatuar” me indifference dhe të qeshura kur ishte keq.

Lira Gjika, psikologe

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Prind: 24/07/2018 10:33

    Kjo "psikologia" nuk me pelqen fare. Po fare ama! Kam rreth vetes kolege, shoke, shoqe, qe jane rritur nga prinder qe nuk e kane njohur Lira Gjiken. Njeri me i mire se tjetri jemi. Tani, e kemi dhe ndonje huq, por kush s'ka... Na del tani njera dhe thote qe te gjithe ne (perfshire dhe ate vete) qenkemi rritur/prinderuar gabim. Po te them vetem dicka Znj. Lira: Zonja ime dhe une, kemi rritur dy femije. Pa marre leksione prej teje, as prej komshies, as prej gjyshes, i kemi rritu me instiktet prinderore dhe me ate qe na eshte dukur me e arsyeshme, logjikshme apo quaje cte duash. Njeri/a eshte i/e shkathet, ka qef muziken, plazhin dhe ka syze dhe han bamjet dhe qepet, tjetri/a eshte me i/e mbyllur, ka qef youtube, pishinen, ska syze dhe nuk ha as bamjet as qepet. Njeri/a me puth 3 here para se te flere e tjetri/a 4 here... Zj Lira, besomeni, keshillat tuaja nuk bejne 1 lek. Ju pershendes.

    Përgjigju
  • Aks: 23/07/2018 13:18

    A ka mundesi me shume shkrime e keshilla te tilla neper mediat tona? A ka mundesi psikologeve dhe pediatreve t'u jepet nje hapesire e vecante ne tv, radio, gazeta, ne cdo forme ku njeriu eshte i prekshem, i arritshem? Kemi probleme te theksuara ne edukimin e qenieve te reja, sic e ve ne dukje Lira. A ka mundesi t'i "agresojme" njerezit me te tilla informata dhe jo me breket e Luanes apo Ences? Vertete lajmet edukative nuk sjellin shume klikime, por formojne nje shoqeri me te mire, e per kete kemi nevoje.

    Përgjigju
    • Mirela: 23/07/2018 23:33

      Me ne fund nje koment per te qene...Bravo

  • Sondazhi i ditës:

    Sa i përhapur është korrupsioni në Shqipëri?

Lajme të tjera



×

Lajmi i fundit

Sherr në Shkodër, plagosen me thikë babë e bir

Sherr në Shkodër, plagosen me thikë babë e bir

23 Prill, 21:32