Etheve të lotarisë amerikane ju vjen fundi, sot përgjigja! Qytetarët për Report Tv: Shpresoj që fati të na buzëqeshë

TIRANE-Tradita ishte çdo fillim maji, por këtë vit përgjigjet e Lotarisë Amerikane u shtynë me një muaj për shkak të situatës së krijuar nga  pandemia COVID-19. Por pritjes i vjen fundi! Përgjigjen e shumë pritur aplikanëtët e zbuluan këtë të shtunë. Megjithatë jo të gjithë janë treguar të vëmendshëm për ditën finale.

“Po kam aplikuar. Është hera e parë.  Mirë që ma kujtove se dalin sot përgjigjet se e kisha humbur fare. Çështje fati”, tha një qytetare.

Ndërsa ëndërrimtarët vazhdojnë të shpresojnë për një përgjigje pozitive.

“Dëshirë për çunat. Zgjidhje e mirë. Ndoshta kanë fat”, tha dikush tjetër.

“Duke qenë se nuk shoh shumë premisa për të ardhmen këtu me thënë të drejtën. Duke parë dhe situatën aktuale. Andej ke shumë mundësi për të ardhmen, më shumë mbështetje, suport nga shteti si për edukimin, taksat etj. Kam vëllain në Amerikë. Kamë dëshirë të shkoj në Boston”, shtoi një qytetare.

Por ka edhe nga ata që ndonëse kanë fituar Lotarinë Amerikane dhe janë në proces dokumentacioni, i tremben realitetit amerikan pas pandemisë së Covid 19.

“Kemi marrë përgjigjen që në 2019 që jemi fitues. Jemi pak të dyzuar. Kemi qenë dhe më përpara jashtë. Ishte hera e parë që bëjmë lotarinë Amerikane. Doli si doli. Për shkak të situatës që kaluam dhe për shkak të situatës që po shohim tani se çfarë po ndodh në Amerikë nuk është se jemi 100% për të ikur. Të jetë si alternativë”, u shpreh një tjetër.

Për të parë nëse janë përzgjedhur për të shkuar në tokën e premtuar apo jo , procedura e kërkon që të gjithë të regjistruarit e DV-2021, duhet të bëjnë kontrollin online me anë të numrit e tyre unik, emrin dhe mbiemrin si dhe vitin e lindjes në adresen zyrtare te departamentit te shtetit amerikan e cila është https://dvprogram.state.gov/

/r.k./Shqiptarja.com

TAG:
• lotaria amerikane