Procesi i fiskalizimit, Drejtoria e Tatimeve: Deri më tani 13,633 biznese dhe 9 milionë fatura të fiskalizuara, do të jemi mbështetje për çdo problematik

Drejtoria e Përgjithshme e Tatimeve ka dhënë lajmin se deri më tani janë 13,633 biznese të Fiskalizuara dhe janë kryer mbi 9 milionë fatura të fiskalizuara.

Në kuadër të zbatimit të reformës së Fiskalizimit, Drejtoria e Përgjithshme e Tatimeve do të jetë në mbështetje të çdo biznesi, duke ofruar suportin e saj maksimal për çdo problematikë apo paqartësi në lidhje me këtë proces.

Përmes rrjetit të tyre social Facebook, shkruajnë se qasja e Administratës Tatimore do të jetë këshilluese dhe informuese për t’i ardhur në ndihmë çdo tatimpaguesi.

Në 1 Janar 2021 nisi faza e parë për transaksionet pa para në dorë midis tatimpaguesve dhe enteve publike (B2G), në 1 Korrik 2021 nisi faza e dytë për transaksionet pa para në dorë midis tatimpaguesve (B2B), ndërsa më 1 Shtator do të nisë faza e tretë për transaksionet me para në dorë tatimpagues-konsumator (B2C).

Drejtoria e Përgjithshme e Tatimeve ka publikuar edhe një video në të cilën përmes grafikëve paraqesin situatën aktuale të procesit të fiskalizimit.

J.GJ./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

GJKKO firmos masë të dytë sigurie për Taulant Tushen

GJKKO firmos masë të dytë sigurie për Taulant Tushen