Profil/ Me 113 medalje, Arjola Trimi, 'diamanti shqiptar i notit' që përfaqëson Italinë në Lojërat Paralimpike të Tokios, në kërkim të trofeut të radhës

Profil/ Me 113 medalje, Arjola Trimi, 'diamanti shqiptar i notit' që përfaqëson Italinë në Lojërat Paralimpike të Tokios, në kërkim të trofeut të radhës

Arjola Trimi

TIRANË- Në majën e piramidës të grupit të notarëve që përfaqëson Italinë në edicionin e 16-të të Lojërave Paralimpike të Tokios, qëndron krenare një shqiptare. Ajo është Arjola Trimi, e lindur në Tiranë në 1987, një veterane që numëron pas vetes 113 medalje. Si shumë shqiptarë, ajo së bashku me familjen u zhvendos në Itali teksa ishte vetëm 2-vjeç, ku shkroi historinë dhe vijon të lërë gjurmë. Pikëtakimi i saj me sportin e notit erdhi si një "detyrim", pasi basketbolli ishte "dashuria e saj e parë". Rreth moshës 12-vjeçare, ajo zbuloi se vuante nga një sëmundje e trashëguar dhe që nga ai moment, iu desh që të nxirrte forcën dhe vendosmërinë, që e kishte të fshehur brenda vetes, për të filluar një jetë të re. Basketbollin e la mënjanë dhe zbuloi se sa shumë e donte notin rastësisht, gjatë kohës që bënte seancat e saj të fizioterapisë.

Debutimi i Arjola Trimit  daton në vitin 2012, kur arriti rezultate të shkëlqyera që në garat e para. Vetëm një vit më pas erdhi dhe ngritja në nivel ndërkombëtar, në kupën e Botës në Montreal, që e bëri atë fituese të 2 medaljeve argjendi dhe 2 bronzi. Që nga ai momenti, medaljet për të nuk munguan në asnjë garë! Në 2014, gjatë kampionatit Europian fitoi një tjetër medalje të argjend dhe 3 ari, e ndërsa në 2015, Glasgow, fitoi një medalje argjendi dhe një bronzi.

Në maj, gjatë Kampionatit Evropian, Arjola theu rekordin botëror të 50 metrave stil i lirë me një kohë 41.15, duke ulur me më shumë se një sekondë rekordin e mëparshëm që datonte nga viti 2016. Sukseset e saj nuk kanë të sosur, e kurorëzuar 13 herë kampione Europe, sot kërkon sërish që në raftin e arritjeve të saj të vendosë edhe një tjetër medalje, edhe pse fatkeqësisht nuk mund të ngre lart flamurin shqiptar.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 26/08/2021 23:36

    /FSHATI/,federata e sportit ka buxhet,por e ka per humbamenot e futbollit.Per ta ndertohen stadiume,blihen lojtare dhe trainjere te huaj,u kemi dhene tere ato privilegje,qe nga shperblimet,pashaportat diplomatike e deri Ramen shofer autobuzi nje here,por prape ne pikiate jemi,kemi rene disa vende ne renditje,kurse per sportet e tjera behet lajm vetem kur fitojne medalje.Ve bast qe shqipot njohin shumicen e emrave te humbamenove te futbollit,por po t'i pyesesh per sportiste te suksesshem te sporteve te tjera,zor se dine ndonje emer.

    Përgjigju
  • Mustafa hamiti: 26/08/2021 07:29

    Bravo. Kjo tregon se dhe sporti bëhet nga investimi. Të hapë sytë shqipëria

    Përgjigju
  • Fshati: 26/08/2021 07:02

    Shyqyr qe je ne Itali moj vajze se po te ishe ne shqiperi do te kishe perfunduar ne rruge. Federata jone e sportit nuk ka buxhet per sportistet.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet