Program për të papunët e COVID, Muça: Jo afatgjatë! Profesionet që duhet të zgjedhin, të kenë lidhje me teknologjinë

TIRANË- Punësim në privat për 4 muaj, për 8 muaj apo 1 vit si dhe subvencionim i pagës minimale për disa muaj, është programi i qeverisë për të papunët e dalë si pasojë e COVID-19.  Në fazën e parë shteti paguan 2 paga 26 mijë lekë, ndërsa kontributet i paguan punëdhënësi. Për fazën e dytë shteti paguan 4 paga dhe në të tretën vetëm kontributet. Për ekspertin e çështjeve të punësimit Erion Muça thotë se programi është i paqartë dhe nuk dihet sa persona do të përfitojnë.

“Unë e cilësoj këtë program riparues dhe jo shumë stimulues për të përballuar apo rimëkëmbur dëmin apo pasojat e papunësisë sidomos tek të rinjtë e mbetur të papunë. Së pari ka një paqartësi teknike që lidhet me numrin total të përfituesve, dhe buxhetin e vënë në dispozicion për këtë program”, shprehet eksperti Muça.

Eksperti propozon hartimin e një strategjie afatgjatë, ku t’ju jepet mundësia kryesisht të rinjve të drejtohet tek profesionet që mund të zhvillohen edhe në distancë. Pra kryefjala të jetë teknologjia. 

“Hartimi i një strategjie afatmesme për mënyrën se si do të punësohen? Çfarë mekanizmash, si do të përshtaten çfarë kapacitetesh ka tregu sot. Çfarë aftësish duhet të zhvillojnë këta të papunë? A është momenti që të zhvillojnë aftësitë digjitale. Çdo profesion duhet të shohë mundësitë se si duhet të përshtatet me pandeminë, si të punohet në distancë, pra roli i teknologjisë është i pashmangshëm”, deklaron eksperti.

Por nga ana tjetër shqetësim në këtë situatë sipas Muçës është edhe mosbesimi i biznesit, i cili nuk shpall vende të lira pune.

“Situatën ekonomike e tregun edhe një raport i para dy javëve, ku numri i ofertave për punë të shpallura ishte 273 ndërsa çdo vit numri i personave të shpallur të papunë është rreth 35 mijë”, thotë pedagogu Muça.

Ndërsa institucioni përgjegjës për regjistrimin e punëdhënësve të interesuar si dhe do të ndjekë procedurat për përfitimet nga këto programe të punësimit do të jetë Agjencia Kombëtare e Punësimit dhe Aftësive. Edhe pse ende nuk ka një shifër përfundimtare, pedagogu pohon se deri në fund të vitit do të jenë rreth 100 mijë të papunë.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ekskluzive/ 26 vite Ipeshkv i Shkodrës, Massafra rrëfen për Report Tv arsyet e dorëheqjes! Mesazhet për të rinjtë

Ekskluzive/ 26 vite Ipeshkv i Shkodrës, Massafra rrëfen për Report Tv arsyet e dorëheqjes! Mesazhet për të rinjtë