Projektvendimi i KQZ/ 1 votë e shqiptarëve 'vlen' 85 lekë, 130 mln lekë për 4 parti që morën mbi 1% më 25 prill! Si ndahen për PS, PD, LSI dhe PSD

Për çdo votë të vlefshme të marrë nga shqiptarë partitë politike që kanë kaluar 'pragun' 1% do të marrin 85 lekë. Një vlerësim i tillë është bërë në një projektvendim të të Komisioni Qendror të Zgjedhjeve që ka publikuar relacionin për vlerën e votës, mbi bazën e së cilës do të shpërndahen edhe fondet për partitë në zgjedhjet e ardhshme.

Mbi bazën e kësaj përllogaritje, do të bëhet edhe shpërndarja e fondeve për partitë politike në zgjedhjet e ardhshme, ndërsa do të përfitojnë vetëm 4 parti, PS, PD, LSI dhe PSD të cilat morën mbi 1% të votave në rang kombëtar, ndërsa aleatët që u futën në listat e demokratëve, rrezikojnë të mbeten sërish pa fonde.

Përllogaritja e vlerës së votave, në bazë të ligjit, bëhet duke pjestuar fondin e përgjithshëm për zgjedhjet që më 25 prill ishte 130 mln lekë (Njëqind e tridhjetë milion lekë) me 1.533.304 vota të vlefshme (një milion e pesëqind e tridhjetë e tre mijë e treqind e tridhjetë e katër vota të vlefshme). 

Nëse do të miratohej ky fond i parashikuar prej 130 milionë lekësh, sipas një përllogaritje të thjeshtë Partia Socialiste pritet që të marrë 'pjesën e luanit' me 65 mln lekë, PD me 52.8 mln lekë, LSI me 9 mln lekë dhe PSD me rreth 3 mln lekë.

Ky relacion pritet që të miratohet nga kryekomisioneri ilirjan Celibashi në mbledhjen e ditës së hënë në orën 11.

(Projektvendimi i KQZ)

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ish-ministri i Shëndetësisë, Ilir Beqaj paraqitet në SPAK

Ish-ministri i Shëndetësisë, Ilir Beqaj paraqitet në SPAK