Protesta e maturantëve pas provimit të Matematikës, Kushi: Po vlerësojmë vështirësinë! Nëse tejkalon nivelin e përcaktuar, rishikojmë shpërndarjen e pikëve

Protesta e maturantëve pas provimit të Matematikës, Kushi: Po vlerësojmë vështirësinë! Nëse tejkalon nivelin e përcaktuar, rishikojmë shpërndarjen e pikëve

Ministrja e Arsimit Evis Kushi dhe protesta e maturantëve

Ministrja e Arsimit, Evis Kushi ka reaguar në lidhje me protestën e maturantëve dhe shqetësimin e tyre për testin e matematikës.

Me një postim në Facebook, Kushi shprehet se grupi i ekspertëve ka filluar vlerësimin e nivelit të vështirësisë për çdo pyetje në test dhe në rast se rezulton se tejkalon nivelin e parashikuar, do të ketë rishikim të shpërndarjes së pikëve në test dhe mënyrën e vlerësimit.

"Të dashur maturantë, Siç ju kemi premtuar, ne do të jemi gjithmonë në mbështetjen tuaj. Në këto momente, jemi duke vlerësuar edhe një herë me grupet e ekspertëve nivelin e vështirësisë së çdo pyetjeje në testin e matematikës. Dhe në rast se na rezulton që ai e tejkalon nivelin e parashikuar, të cilin e kushtëzon mënyra e zhvillimit të mësimit gjatë këtij viti shkollor, pa dyshim që ne do ta rishikojmë shpërndarjen e pikëve në test dhe mënyrën e vlerësimit. Ju uroj shumë suksese për provimin e radhës!", shkruan Kushi.

Maturantë në Tiranë, Durrës, Shkodër e Gjirokastër janë ngritur në protestë ditën e sotme, duke shprehur shqetësimin se provimi i matematikës ishte shumë i vështirë. Ata kërkojnë uljen e pragut të pikëve dhe rivlerësim.

Ndërkohë, më herët gjatë ditës së sotme reagoi edhe Qendra e Shërbimeve Arsimore, duke u shprehur se teza e provimit nuk kishte asnjë gjë jashtë programit mësimor, ishte e nivelit mesatar dhe se nxënësit e mirë nuk kanë pasur asnjë vështirësi.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

'Klodjan Allajbeu ortak me Shkëlzen Berishën', Haklaj: SPAK do t'i shkojë deri në fund

'Klodjan Allajbeu ortak me Shkëlzen Berishën', Haklaj: SPAK do t'i shkojë deri në fund