Protesta 'kyç' bizneset: Po na dëmtojmë ekonomikisht, kemi frikë! Qytetarët duan dialog

Protestat e dhunshme të Opozitës, po dëmtojnë bizneset përreth zonave ku zhvillohet. Të pyetur nga Report Tv pronarët e këtyre subjekteve kanë pohuar se janë detyruar të mbyllin bizneset në oraret që zhvillohet protesta.

Edhe në protestën e gjashtë të opozitës kundër qeverisë, këto biznese ulën qepenat, duke sjellë për pronarët kosto financiare.

Jashtë kamerave, pronarët e bizneseve hezitonin të prononcoheshin nga frika e ndonjë sulmi të mundshëm nga ana e protestuesve, mbështetës të opozitës.

Por edhe qytetarët e thjeshtë, shprehen të bezdisur nga këto protesta. Ndonëse nuk janë kundër protestës në thelb, ata janë shprehur kundër akteve të dhunës, duke i konsideruar të papranueshme dhe në dëm të vendit.

Protestat e Opozitës kanë ndikuar edhe në sektorin turistik. Vihet re një numër i shtuar i turistëve, kryesisht të huaj të cilët kanë anuluar rezervimet e tyre si pasojë e pasigurisë dhe frikës që shkaktojnë këto protesta të dhunshme. Sot në orën 19:00, opozita do të zhvillojë protestën e saj të 6 kombëtare e cila do të nisë përpara godinës së kryeministrisë.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Jakin Marena: Heshtja e Kurtit për presionin e Greqisë ndaj Shqipërisë për ‘Belerin’

Jakin Marena: Heshtja e Kurtit për presionin e Greqisë ndaj Shqipërisë për ‘Belerin’