Protestat e opozitës nisin në janar/ Dashamir Shehi në '45 minuta': Të rrëzojmë Ramën, zgjedhje të parakohshme

Dashamir Shehi ka një tjetër qëndrim në raport me ngërçin qeveri-presidencë. Shehi tha se kryeministri dhe presidenti kanë patur gjithnjë hatërmbetje, por sipas tij, Meta nuk mund të bëhet flamur i opozitës. “Meta dhe Rama kanë patur hatërmbetje. Uroj që t’i dalë për zot kushtetutës. Nuk mund të bëjmë flamur t opozitës presidentin. Nëse se ka dekretuar Cakajn duhet të ketë motive të tjera përtej atyre opozitare.  Kemi përfunduar në situatë groteske. Dje erdhi ministri italian dhe e priti ministri në largim. Nga ana politike, unë jam dakord që Rama të jetë ministër i jashtëm, shumë herë më mirë sesa Gent Cakaj. Zgjidhje politike dhe morale. Nga ana kushtetuese unë nuk e di. E kanë prodhuar, Rama me arrogancë por edhe pala tjetër mund të ketë gjynahet e veta.”-tha Shehi.

Kryetari i LZHK-së, Dashamir Shehi tha se opozita do të kërkojë një qeveri tranzitore që mund të jetë teknike dhe e përzierë me politikë. “Qeveria kalimtare, mund të jetë teknike dhe e përzierë me politikë. Jemi për sistem proporcional rajonal, por s’janë të gjithë dakord. Por jemi dakord të gjithë që të largohet Rama.”-tha Shehi.

Dashamir Shehi, kryetar i LZHK, tha se opozita nuk thyhet se ka dështuar njëherë me largimin e kryeministrit Edi Rama në 2017 me krijimin e çadrës. Shehi tha se opozita “bie dhe ngrihet”, pasi kjo është jeta politike. Për modalitetet e protestës, dhe se a do të ketë sërish një çadër në Bulevard, Shehi tha: “Kjo protestë duhet të përfundojë me rezultatin e largimit të Ramës. Se kemi dështuar njëherë, s’thyhemi ne si opozitarë. Edhe po u thyem dy herë, kemi për detyrë të ngrihemi. Kjo është jeta opozitare, të biesh të ngrihesh derisa të japim alternativë. Kjo është jeta politike. Kjo është detyra e opozitës. Kjo i takon Bashës, atij i përket. Formula e protestës është modalitet. A do të ketë çadër apo jo, këto janë detaje.”-tha Shehi.

Aleati i Lulzim Bashës, Dashamir Shehi, tha se opozita do të nisë protestat për të arritur që të zhvillohen zgjedhje të parakohshme. “Efikase është protesta. Nuk ka më armë tjetër opozita. Ky parlament s’ka ndërmend të ndalë. Të huajt s’ndiejnë më shqetësim për kurrizin e shqiptarëve. Duan stabilitetin para demokracisë. S’po kërkojmë të bëjmë revolucion por të dalim në shesh si në Rumani, por që të kemi zgjedhje të lira e të ndershme. Kërkojmë një qeveri tranzitore, nuk themi që zgjedhjet e parakohshme të jenë nesër. Është në qasje tjetër. S’themi ngrihur prift të ulet hoxha. Do bojkotohen shumë gjëra, protestë që do të zgjasë. Protesta do të nisë në Janar. Nëse ishim të zotë do t’a ccojmë deri në fund. S’kemi pse na sqarojnë ambasadorët. Opozita nuk po kërkon pushtet në tavolinë.”-tha Shehi.