Prrenjas/ 'Të jetosh si në mesjetë'! Familja Çeliku mes skamjes dhe varfërisë: S'kemi asnjë mundësi mbijetese

PRRENJAS -Për nënë e bir, Genci dhe Florida nga fshati Berzeshetë në Njësinë administrative Qukës të Prrenjasit çdo ditë është një luftë për mbijetesë. E vetmja e ardhur për ta është kempi të cilin e përfiton Genci i cili është me aftësi ndryshe. Ndërsa Florida pavarësisht se ka mbushur moshën nuk përfiton pension. 

Ditët e ftohta po afrojnë e situata e tyre sa vjen e rëndohet pasi në këtë zonë dimri është mjaft i ashpër.

"Nuk kam vend tjetër për të qëndruar. Për një periudhë kohe kam qëndruar në Korçë në një shtëpi që e kisha në ruajtje. Por kriza ekonomike e solli atë familje në Korçë. Dhe u detyrova të kthehem. Prej 20 vitesh jam invalid . Marr vetëm 10 mijë lekë të reja në muaj. Mamaja nuk merr pension edhe pse e ka mbushur moshën e pensionit. Dashje pa dashje me situatën që jam marr edhe ilaçet që më duhen. Nuk po rendim pas ushqimit se si i thonë edhe një herë në ditë të hash bukë i bukë ja bën, por problem është tek kushtet e vështira. Kam stres të madh edhe kur dal", tha Genci.

Me shpresën se thirrja e tyre nuk do të bjere në vesh të shurdhët Genci dhe Florida bëjnë apel për ti ndihmuar pasi për ta është e pamundur që t’i bëjnë ballë varfërisë.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Çeki: Zbulohet një rrjet propagande i financuar nga Rusia

Çeki: Zbulohet një rrjet propagande i financuar nga Rusia