S'ka pushim më 6 dhjetor, ministrja e Arsimit: Të gjitha shkollat e Tiranës do të vijojnë mësimin normalisht

S'ka pushim më 6 dhjetor, ministrja e Arsimit: Të gjitha shkollat e Tiranës do të vijojnë mësimin normalisht

Të gjitha shkollat e Tiranës do të vijojnë mësimin normalisht më 6 dhjetor. Ka qenë ministrja e Arsimit, Evis Kushi, ajo e cila e ka nënvizuar edhe një herë sot këtë, nisur nga fakti se shumë janë keqkuptuar pas lajmeve se 6 dhjetori mund të ishte pushim prej Samitit BE-Ballkani Perëndimor.

Ajo ka përmendur edhe samitin BE-Ballkan Perëndimor që do të mbahet në Tiranë datë 6 dhjetor, duke thënë se është eventi më i rëndësishëm që po ndodh në Shqipëri dhe një ngjarje e jashtëzakonshme por ky organizim nuk mund të ndalojë procesin mësimor.

“Samiti BE-Ballkani Perëndimor, i cili do të mbahet në Tiranë më 6 dhjetor është një ngjarje e jashtëzakonshme dhe historike për Shqipërinë. Për herë të parë, të gjithë liderët e BE-së mblidhen në një vend jashtë BE-së për një samit të Këshillit Evropian. Ky është nder dhe vlerësim i madh për vendin tonë, por s’ka arsye për të ndaluar procesin mësimor”, ka shkruar në postim ministrja.

Madje, ajo e ka mbyllur shkrimin e saj me një thirrje për mësuesit që në datën 6 dhjetor mund të diskutojnë se si Shqipëria ka kaluar përmes një rrugëtimin të vështirë.

“Madje i ftoj të gjithë mësuesit, në të gjithë vendin, që ta shfrytëzojnë këtë ditë kaq të veçantë për të ndarë me nxënësit opinionet për rrugëtimin e vështirë evropian të atdheut tonë”, ka përfunduar shkrimin e saj Ministrja e Arsimit, Evish Kushi.

Kujtojmë se Samiti BE-Ballkan Perëndimor do të zhvillohet në Tiranë për herë të parë  më datën 6 dhjetor dhe organizimi për këtë ditë ka marrë vëmendje të madhe politike e mediatike. Policia dhe forcat e sigurisë do të jenë në të gjithë vendin atë ditë dhe një ditë më parë, në datën 5 dhjetor për të siguruar 27 liderët që pritet të vinë në vendin tonë. Ky samit i përbashkët do të ketë 16 nivele sigurie dhe liderët do të ndiqen nga policia që nga mbërritja në aeroport e deri në vendin e takimit, për të zhvilluar më pas axhendën e tyre. Madje, tashmë të gjithë qytetarët do të kontrollohen përgjatë perimetrit të sigurisë.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Berisha me zë Gazi!

Berisha me zë Gazi!