Qëlloi në drejtim të kushëririt të deputetit të PS/ Arrestohet shkodrani, theu masën 'arrest shtëpie'

Qëlloi në drejtim të kushëririt të deputetit të PS/ Arrestohet shkodrani, theu masën 'arrest shtëpie'

Makina me të cilën udhëtonte Fatjon Harusha dhe u qëllua me armë në Shkodër

Qëlloi në drejtim të kushëririt të deputetit të PS, policia arreston autorin e sulmit, i cili ishte një person i dënuar me 'arrest shtëpie'. Në pranga ka rënë shtetasi Gjekson Pusi, 33 vjeç, banues në Lagjen “Mark Lula” Shkodër, i cili ka thyer masën e sigurisë “Arrest në shtëpi”.

Ngjarja ndodhi gjatë ditës së djeshme në orën 12:30 ku, autori me një motoçikletë ka qëlluar ndaj makinës ku udhëtonte Fatjon Harusha, kushëriri i deputetit të PS Luan Harusha.

Fatjon Harusha i shpëtoi sulmit duke mos pësuar asnjë dëmtim, ndërsa plumbat prekën makinën me të cilën udhëtonte që ishte në pronësi të DPSHTRR. Fatjon Harusha është punonjës në Drejtorinë e Rrugëve në Shkodër dhe makina mbi të cilën u qëllua është mjeti i punës.

Atentati ndodhi në fshatin Kuq në Vukatane të Shkodrës, ku u qëllua në drejtim të një makine në ecje tip 'Hyundai' fuoristradë me targa AA 207 BV.

Nuk dihen ende shkaqet e sulmit, ndërsa grupi hetimor vijon punën për zbardhjen e plotë të saj.

Gjekson Pusi është arrestuar në tetor 2019 duke qarkulluar me armë zjarri tip me vete, ndërsa ishte dënuar më parë me 8 vite burg për vjedhje me armë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Arrestimi i Evis Berberit, qeveria emëron Gentian Gjylin në krye të ARRSH

Arrestimi i Evis Berberit, qeveria emëron Gentian Gjylin në krye të ARRSH