Qëlluan me armë zjarri dhe terrorizuan banorët, arrestohen dy të rinjtë në Vorë

Foto ilustruese

Policia e Tiranës ka vënë në pranga dy të rinj në Vorë, pasi kanë qëlluar me armë zjarri në ajër. Arrestimi i tyre është kryer pas denoncimit të qytetarëve se në vendin e quajtur “Kuç-Vorë”, mbi kodrat e fshatit Gjokaj, po qëllohej me armë zjarri në ajër.

Pas lajmërimit, policia ka bërë të mundur kapjen në flagrancë të dy të rinjve, L. Ç., 23 vjeç dhe A. D., 24 vjeç, banues në Shijak.

Gjatë kontrollit fizik dhe të automjetit të tyre u gjet një armë zjarri automatik, një sasi të vogël lënde narkotike kanabis dhe sende të tjera të kundërligjshme.  

Në vijim të veprimeve hetimore, këta shtetas kanë rezultuar edhe autorë të ngjarjes së ndodhur më datë 03.10.2021, ku shtetasi B. V. ka kallëzuar se është qëlluar me armë zjarri në ajër dhe për pasojë është dëmtuar automjeti i tij.   

Materialet i kaluan Prokurorisë pranë Gjykatës së Shkallës së Parë Tiranë, për veprat penale “Armëmbajtja pa leje”, “Prishja e rendit dhe qetësisë publike” dhe “Prodhimi dhe shitja e narkotikëve”.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rishfaqen nostalgjikët e diktatorit, a duhet bërë dekomunistizimi i shoqërisë shqiptare?



×

Lajmi i fundit

John

Imzot Arjan Dodaj u emërua Arqipeshkv i Kishës Katolike, Meta: lajm i mirë! I bindur se do ta përmbushë me sukses misionin