Qeni fundos 36-vjeçarin që po tentonte të trafikonte kanabis në Greqi

Foto ilustruese

SARANDË-Policia Kufitare në Qafë Botë ka goditur një rast të tentativës për trafikim të lëndëve narkotike në drejtim të Greqisë duke sekuestruar 36 kg kanabis dhe arrestuar poseduesin. I arrestuari është E. K. 36 vjeç, lindur në Librazhd dhe banues në Sarandë.

Droga u zbulua në pjesën e bagazhit në një vend të hapur posaçërisht pas kontrollit të imtësishëm të ushtruar nga shërbimet e Policisë Kufitare në bashkëpunim me ato doganore duke përdorur edhe qenin antidrogë, në automjetin tip "Peugeot”. Materialet do t’i referohen prokurorisë, në ngarkim të tij, për veprën penale "Trafikimi i lëndëve narkotike, e mbetur në tentativë".

d.ba./Shqiptarja.com
  • Sondazhi i ditës:

    A jeni të kënaqur me punën që bëni?

Komento