X

POP 5

Lajmet më të lexuara të 5 minutave të fundit

Kosova & Rajoni

Qeveria e re e Maqedonisë së Veriut në dorë të shqiptarëve

Negociatat për krijimin e qeverisë së re në Maqedoninë e Veriut do të nisin nesër në seancën e parë parlamentare pas zgjedhjeve të parakohshme. Për të formuar qeverinë e re, social demokratët e Zoran Zaev duhet të bindin partinë Bashkimi Demokratik për Integrim të Ali Ahmetit që të formojnë koalicionin qeverisës.

Edhe pse nuk fituan shumë vende në parlament, partia shqiptare Bashkimi Demokratik për Integrim e Ali Ahmetit duket se do të vendosë për fatin e qeverisë së re në Maqedoninë e Veriut. Bisedimet priten të nisin të martën, dita kur nis sesioni i ri parlamentar, pas zgjedhjeve të parakohshme të mbajtura në 15 Korrik. Mundësinë më të madhe për të krijuar qeverinë e re e  ka Zoran Zaev, partia e të cilit fitoi 46 nga 120 vende, vetëm dy më shumë se VMRO DPMNE, e cila fitoi 44.

Partia BDI e Ali Ahmetit duket se është në udhëkryq për të shqyrtuar ofertat që po merr nga dy partitë më të mëdha maqedonase. Social Demokratët e kërkojnë koalicionin me partinë shqiptare pasi së bashkua do të arrinin një shumicë prej prej 61 vendesh në parlament.

VMRO DPMNE  në anën tjetër synon të sigurojë jo vetëm mbështetjen e BDI-së por edhe të një partie tjetër për tu bërë mazhorancë. Presidenti Pendarovski ka afat deri në 14 gusht për të mandatuar kryeministrin e ri, i cili do të ketë 20 ditë kohë për të propozuar qeverinë e re.

 

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ilir Meta sulmon kreun e SPAK, si e vlerësoni?

Lajme të tjera



×

Lajmi i fundit

Gjylameti denoncon Bashën në parlament: Nxiti të tjerët të votojnë kundër dje në asamble për daljen nga monitorimi

Gjylameti denoncon Bashën në parlament: Nxiti të tjerët të votojnë kundër dje në asamble për daljen nga monitorimi

18 Prill, 15:18