Një konflikt për qiranë e banesës shkaktoi 10 viktima dhe 6 të plagosur mbrëmjen e së premtes në Malin e Zi. Për këtë ngjarje të rëndë, qeveria malezeze ka shpallur tre ditë zie. Autori 34-vjeçar, Vuko Boriloviç hyri në banesën e qiramarrësve të tij rreth orës 15:30 dhe vrau një fëmijë 11 vjeç. Pas tij vrau edhe vëllain tre vjet më të vogël dhe plagosi nënën e tyre, të identifikuar si Natasha Pajoviç.
Pas ngjarjes telefonoi bashkëshortin e saj Millosh Martinoviç për t’i rrëfyer krimin duke i thënë: “Unë kam vrarë familjen tënde dhe timen”. Në 45 minutat e ardhshme, në një distancë totale prej 80 metrash nga shtëpia e tij në qytetin Cetinje, vrau dhe 7 të tjerë.
Pasi përfundoi telefonatën me Martinoviç, me armë gjahu në dorë, hyri në shtëpinë e fqinjëve të tjerë duke vrarë të moshuarit Danijela dhe Dimitrije Dreçun dhe plagosi rëndë nipin e tyre Aleksandar Dreçun. Më pas vrau dhe djalin e tyre Rajko Dreçun, i cili vrapoi menjëherë drejt shtëpisë kur dëgjoi të shtënat.
Masakra nuk përfundoi këtu. 34-vjeçari vrau edhe fqinjin Milan Mitroviç dhe dajën e tij Goran Gjurishiç dhe më pas, duke zbritur në rrugë, nuk ndali të shtënat dhe qëlloi për vdekje fqinjët Aleksandra dhe Danijela Radunoviç.
Përveç nënës që ishte qiramarrëse në shtëpinë e tij, plagosi edhe katër persona të tjerë dhe policin Ljubisha Maksimoviq. Ndonëse ishte i rrethuar nga policia, autori nuk pranonte të dorëzohej. Sipas mediave malazeze, ndërhyri një prej fqinjëve i cili nga mediat e huaja është identifikuar si Nenad Neno Kaluđerović i cili e qëlloi me 5 plumba duke i shkaktuar vdekjen. në rrjete sociale është duke qarkulluar një foto e heroit që ndërhyri në këtë masakër por ky i fundit ende nuk është identifikuar nga policia për të dhënë dëshminë e tij. Trupi i 34-vjeçarit është dërguar për autopsi ndërsa nuk dihet ende përse kreu masakrën pasditen e së premtes.
Autori i masakrës në Mal të Zi Vuko Boriloviç u godit nga të paktën pesë plumba sipas rezultateve paraprake të autopsisë.
Sipas “Vijesti”, nga autopsia rezulton se ka pasur të paktën pesë plagë në trup, ndërsa ekspertët balistikë dhe patologët do të vlerësojnë se me cilat armë është qëlluar Boriloviç dhe cilat plagë kanë qenë fatale.
Po ashtu, mësohet se Boriloviçi kishte leje për armën e gjahut me të cilën kreu masakrën, ku humbën jetën 10 persona, mes tyre dhe 2 fëmijë.
Një borxh që i kishte fqinja 34-vjeçarit Vuko Boriloviç, autorit të masakrës në Mal të Zi, ku vrau me armë 10 persona mendohet të ketë qenë shkaku që e shtyu autorin drejt kryerjes së aktit të rëndë.
Bazuar në deklaratën e një të afërmve të njërës së viktimave të sulmit, thuhet se autori nuk shkonte mirë me fqinjët dhe ka pasur konflikte.
“Të gjithë jemi ende në shok, nuk mund ta besoj atë që bëri. Kam dëgjuar se borxhi ishte shkaku i kësaj masakre të tmerrshme. Nuk ishte mirë me fqinjët, i vrau, por gruaja dhe fëmijët e tij të pafajshëm”, kjo është deklarata e një të afërmi të njërës prej viktimave , raporton "Kurir".
Personi që shihni në foto është Nenad Neno Kaluđerović, qytetari hero në Mal të Zi i cili eliminoi ‘demonin kaotik’ Vuk Boriloviq që vrau 10 persona dhe plagosi 6 prej tyre.
Boriloviq, qëlloi pa ‘iu dridhur qerpiku’ 10 persona pas një konflikti për qiranë e banesës. Imazhe të shumta të Nenad Neno Kaludervoic po qarkullojnë në rrjete sociale pasi pretendohet, sipas mediave malazeze, se ky i fundit ‘pastroi rrugët nga demoni’. Ende nuk dihet nëse Kaludervoic është kapur nga autoritetet për të dhënë dëshminë e tij mbi këtë ngjarje të rëndë, ndërsa mësohet se ky i fundit ka qenë një ndër fqinjët e tij dhe ka reaguar menjëherë duke e vrarë sapo ka parë që 34-vjeçari doli jashtë kontrollit duke vrarë një familje të tërë dhe çfarë t’i dilte përpara.
Komente
Lajme të tjera
-
Mali i Zi arreston ish-kryeprokurorin special
14 Prill, 13:39 -
Mali i Zi goditet nga një tërmet 4.7 ballë
3 Prill, 14:00 -
Trafik armësh nga Shkodra drejt Tiranës, lihet në burg ish-efektivja dhe 4 të rinjtë
28 Mars, 12:57 -
Mali i Zi, kritika ndaj votimit të deputetes Vukiçeviç kundër anëtarësimit të Kosovës në Këshillin e Evropës
28 Mars, 07:23 -
Në Mal të Zi paralajmërojnë votë kundër pranimit të Kosovës në Këshillin e Evropës
25 Mars, 12:26 -
Begaj takim me presidentin e Malit të Zi: Diskutuam për përshpejtimin e anëtarësimit të Ballkanit Perëndimor në BE
23 Mars, 15:46 -
Escobar: Mbështesim kontributin e Malit të Zi në NATO dhe rrugën e shtetit drejt BE-së
18 Mars, 15:52 -
Mafia malazeze/ Vrasje në qendra tregtare, 60 të vdekur në të gjithë Europën, ekzekutorë shqiptarë të përfshirë
11 Mars, 18:53 -
Zbulohen ‘depot’ e bandave kriminale në vend, armë të sofistikuara! 2 baza në Durrës e 1 në Vlorë! Mister kush fshihet pas!
11 Mars, 15:18 -
VIDEO/ U kapën me armë që ua shisnin grupeve kriminale, lihen në burg dy të rinjtë në Durrës
11 Mars, 10:59 -
Zbulohet tjetër bazë armësh në Durrës, u shërbente grupeve kriminale! Në pranga pronari i shtëpisë! I kishte fshehur në sënduk e makinë qepëse (VIDEO)
11 Mars, 10:20 -
Durrës/ Dalin fotot, dy të rinjtë i reklamonin armët online për t'i shitur te grupet kriminale! Skema: Kallashnikovët i transportonin të çmontuar
10 Mars, 21:09
Ky zoteria para prokurorit te Republikes nuk e ka marre persiper vrasjen.
Përgjigju