I dënuar me 25 vite burg për vrasje, i bëhet atentat 60-vjeçarit në Mamurras, djali i tij bashkëpunëtor në ekzekutimin e biznesmenëve në Laç! Qëllohet me 3 plumba pas varrimit të së motrës

Qëllohet me 3 plumba 60 vjeçari Myslim Lika në Mamurras, i cili është dërguar te spitali i Traumës. 60 vjeçari është babai i Ilir Likajt (Xhepaj) i cili është bashkëpunëtori i Eduart Lamaj, ky i fundit akuzohet se ka pasur rolin e ekzekutorit për vrasjen e dy biznesmeneve Paulin Gjergji dhe Bujar Lika.

Myslim Lika po kthehej nga varrimi i së motrës kur iu bë atentati, e cila ishte vetëvrarë. Rethanat e kësaj ngjarjeje janë ende të paqarta, ndërsa policia hetimet i ka fokusuar mbi veprimtaritë e vetë 60 vjeçarit, i cili nuk është një person i panjohur në botën e krimit, pasi ka qenë i dënuar me 25 vite burg për vrasje. Konkretisht në vitin 2000, në muajin prill, Lika ka qëlluar me breshëri kallashnikovi mbi Gëzim Çelikun bashkëpronari i firmës “Friul Alba” dhe admnistratorin Italian Luciano Bortolusi. Gëzim Çeliku ka mbetur i vdekur në vend ndërsa Bortolusi u plagos. 

Për ngjarjen e sotme, policia e Kurbinit thotë se po krehin zonën dhe ka ngritur pika kontrolli. 

"Rreth orës 13:25, në Mamurras,Kurbin, në rrethana ende të paqarta është plagosur me armë zjarri shtetasi M.L.,60 vjeç,banues në fshatin Gjorëm,Kurbin i cili është transportuar në spital dhe ndodhet nën kujdesin mjekësor, paraprakisht jashtë rrezikut për jetën. Menjëherë në vendngjarje  kanë shkuar shërbimet e Policisë dhe Grupi hetimor dhe vijon  puna për zbardhjen e plotë të  rrethanave të ngjarjes. Shërbimet e Policisë të D.V.P. Lezhë, të Komisariatit të Policisë Kurbin dhe FNSH-së  po krehin zonën si dhe janë ngritur pika kontrolli me qëllim identifikimin dhe kapjen e autorit/ëve", thuhet në njoftimin e policisë.

Ndërsa djali i tij Ilir Xhepaj (Lika) përveçse është bashkëpunëtori i Eduart Lamaj në vrasjen e dy biznesmeneve  Gjergji dhe Lika, rezulton të ketë bërë dhe një plagosje tjetër. Rezulton se në 15 maj 2020, ka qëlluar me armë zjarri në drejtim të 33-vjeçarit Zef Marku, por pa mundur ta ekzekutojë atë.

Kujtojmë se prokuroria dje ka mbyllur hetimet për vrasjen e dy biznesmenëve. Nën akuzë janë 6 persona persona, për vrasje në rrethana cilësuese, 2 të arrestuar dhe 2 në kërkim, ndërsa në detyrim paraqitje janë 2 mjekë. Në pranga kanë rënë Ilir Xhepaj e Eduart Lamaj, në kërkim Klaudio Perkola e Elson Alija, kurse në detyrim paraqitje janë lënë mjekët Besim Lama dhe Viktor Marku. Mjekët Lama dhe Marku mjekuan Eduart Lamajn në një spital privat.

1611843266_xhepaj.jpg

Rendit zhvillimet sipas orarit:
Ora 15:23
Iu bë atentat/ Myslim Lika ka qenë i dënuar me 25 vite burg! Vrau bashkëpronarin e një firme dhe plagosi admnistratorin Italian

Myslim Lika, 60-vjeçari të cilit iu bë atentat mesditën e sotme, nuk është një person i panjohur në botën e krimit. Lika ka qenë i dënuar me 25 vite burg për vrasje. Konkretisht në vitin 2000, në muajin prill, Lika ka qëlluar me breshëri kallashnikovi mbi Gëzim Çelikun bashkëpronari i firmës “Friul Alba” dhe admnistratorin Italian Luciano Bortolusi. Gëzim Çeliku ka mbetur i vdekur në vend ndërsa Bortolusi është plagosur.

Ora 15:05
Iu bë atentat/ Myslim Lika me precedentë penalë, sapo kishte dalë nga burgu, i biri i përfshirë në vrasje dhe plagosje

Myslim Lika i qëlluar me 3 plumba në Mamurras rezulton të jetë një person më precedentë penalë, madje sapo kishte dalë nga burgu.

Ndërsa djali i tij Ilir Xhepaj (Lika) i cili është bashkëpunëtori i Eduart Lamaj në vrasjen e dy biznesmeneve Paulin Gjergji dhe Bujar Lika, perveç përfshirjes në krimin e dyfishtë rezulton të ketë bërë dhe një plagosje ne Laç.

Rezulton se në 15 maj 2020, ka qëlluar me armë zjarri në drejtim të 33-vjeçarit Zef Marku, por pa mundur ta ekzekutojë atë.

Ora 14:45
Iu bë atentat me 3 plumba, babai i Ilir Likës po kthehej nga varrimi i motrës së tij

1611841767_1609340887xhepaj.jpg

60 vjeçari Myslim Lika po kthehej nga varrimi i së motrës kur iu bë atentat dhe u plagos me 3 plumba.

Ai është babai i Ilir Likës, bashkëpunëtor në vrasjen e Paulin Gjergjit e Bujar Likës në maj 2020.

Ora 14:35
Iu bë atentat në Mamurras, 60 vjeçari është babai i një prej bashkëpunëtorëve në vrasjen e biznesmeneve Paulin Gjergji dhe Bujar Lika

60 vjeçari Myslim Lika i cili është qëlluar ditën e sotme në Mamurras është babai i Ilir Lika (Xhepaj) i cili është bashkëpunëtori i Eduart Lamaj, ky i fundit akuzohet se ka pasur rolin e ekzekutorit për vrasjen e dy biznesmeneve Paulin Gjergji dhe Bujar Lika.

Be.K./r.k./Shqiptarja.com
  • Sondazhi i ditës:

    A janë të përballueshme për ju çmimet e produkteve ushqimore?

Komento

Komente

  • Turi: 28/01/2021 16:46

    Gjynah qe nuk e vrane pisin se familje pisash jane vk legenave po do zoti heren tjeter ne shenje

    Përgjigju


×

Lajmi i fundit

John

Vendimi negativ i BE, sekretarja për Marrëdhëniet me Jashtë e PS: Lajm që pritej! Sukses për Shqipërinë fakti që 27 vende i dhanë dritën jeshile!