Rama inspekton pallatet e dëmtuara nga tërmeti në Durrës, inxhinieri izraelit- banores: Duhet ta puthni banesën, ju ka mbrojtur! (VIDEO)

Kreu i Qeverisë, Edi Rama ishte ditën e sotme në Durrës, ku pa nga afër, bashkë me inxhinierët që kanë ardhur nga Izraeli, disa godina të dëmtuara nga tërmeti i 26 nëntorit.

Inxhinieri izraelit i ka treguar pajisjen kryeministrit Rama, me të cilët shikohet nëse pallatet kanë dëmtime me strukturën apo ka vetëm dëmtime me muret.

Pajisja për të zbuluar nëse kollona është e dëmtuar

Në një prej pallateve, kryeministri takuar banorët, ku inxhinieri izraelit ka theksuar se nuk ka asgjë shqetësuese me banesën e tyre, pasi ajo ka pësuar vetëm dëme materiale.

Inxhinierët izraelitë kanë theksuar se edhe pse në pamje të parë një godinë mund të duket si e marrë fund, duhet të shihet struktura.

Kryeministri Rama: Janë prishur mure, por struktura është shumë e qëndrueshme. Do të riparohen dëmet në mure.

Inxhinieri izraelit: Kolonat janë të gjitha në rregull.

Inxhinieri izraelit- banores: Jam me inxhinierët e mi këtu, pas kësaj katastrofe! Ju duhet ta puthni shtëpinë. Ju ka mbrojtur!

Banorja: Isha vetëm atë natë, dhe dera ishte mbyllur dhe nuk u hap

Inxhinieri izraelit: Të çarat nuk kanë problem, sepse struktura është shumë e fortë.

G.D./b.ha./Shqiptarja.com
  • Sondazhi i ditës:

    A mendoni se pas miratimit të Reformës Zgjedhore do të ketë zgjedhje të parakohshme?

Komento