Rama kujton Ibrahim Rugovën: Sa më shumë kalojnë vitet, aq më shumë ai do të lartësohet në sytë e shqiptarisë

Rama kujton Ibrahim Rugovën: Sa më shumë kalojnë vitet, aq më shumë ai do të lartësohet në sytë e shqiptarisë

Ibrahim Rugova

Kryeministri Edi Rama ka përkujtuar sot presidentin historik të Kosovës, Ibrahim Rugovën, me rastin e 15-vjetorit të vdekjes së tij.

Përmes një postimi në rrjete sociale kreu i qeverisë theksoi se sa më shumë kalon koha, aq më shumë lartësohet Ibrahim Rugova në sytë e shqiptarëve.

" Sa më shumë kalojnë dhe do të kalojnë vitet, aq më shumë do të lartësohet Ibrahim Rugova në sytë e krejt shqiptarisë", shkruan Rama.

Ibrahim Rugova u lind më 2 dhjetor 1944 në Cerrcë të Istogut. Më 10 janar 1945 komunistët jugosllavë ia pushkatuan të atin, Ukën dhe gjyshin Rrustë Rugovën, që kishinqenë luftëtar të njohur kundër çetave çetnike që po depërtonin në Kosovë gjatë Luftës së Dytë Botërore.

Ibrahim Rugova u zgjodh më 23 dhjetor 1989, kryetar i Lidhjes Demokratike të Kosovës, partisë së parë politike në Kosovë që sfidoi drejtpërdrejt regjimin komunist në ish-Jugosllavi.

Rendit zhvillimet sipas orarit:
Ora 08:45
Meta kujton Ibrahim Rugovën: Angazhimi i tij për paqen e lirinë mbeten shembuj frymëzimi

Presidenti Ilir Meta ka kujtuar përvjetorin e ndarjes nga jeta të ish-Presidentit të Kosovës, Ibrahim Rugova.

Përmes një postimi në Facebook, Meta shkruan se angazhimi i Rugovës për zgjimin kombëtar, vizionin e Kosovës për paqe e liri mbeten shembuj të patundur frymëzimi.

Teksa citon Ibrahim Rugovën, Kreu i Shtetit, Ilir Meta e mbyll postimin e tij me frazën: Ëndrra e Presidentit Rugova vazhdon!

"Vizioni im është, që të kemi një Kosovë të pavarur, demokratike, me një shoqëri politikisht tolerante dhe me një ekonomi solide, e integruar në BE dhe NATO, si dhe të vazhdojmë marrëdhëniet tona të mira me SHBA." - IBRAHIM RUGOVA

Angazhimi i Tij jetësor për zgjimin kombëtar, vizioni euroatlantik për Kosovën Republikë, për paqen, lirinë, stabilitetin, demokracinë dhe bashkëjetesën në rajon, mbeten shembuj të patundur frymëzimi për t'i shërbyer me përkushtim, dinjitet dhe krenari çështjes shqiptare. Ëndrra e Presidentit Rugova vazhdon

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

'Shqipëria pasuri për Europianin'! E ardhmja pezull, Igli Tare: Do takohem me Pep Guardiolën te City

'Shqipëria pasuri për Europianin'! E ardhmja pezull, Igli Tare: Do takohem me Pep Guardiolën te City