Rama me të rinjtë dhe të rejat në Durrës, falënderon 'patronazhistët': Punojnë vullnetarisht, jemi parti e mirëorganizuar

Nga Durrësi, ku është ndalur sot në një takim me të rinj, Kryeministri Edi Rama ka prekur në fjalën e tij çështjen që është bërë 'virale', atë të patronazhistëve.

Rama i falënderoi publikisht të gjithë ata që kontribuojnë, pasi sipas tij PS është një rrjet i organizuar.

 “Sot ata që nuk e dinë se çfarë pune, çfarë angazhimi të padukshëm ka brenda PS, kanë zbuluar fjalën patronazhist, dhe e sjellin vërdallë e vërdallë, duke e deformuar kuptimin e saj. Për faktin se ata nuk e dinë se PS, është një familje ku të angazhuarit brenda familjes punojnë. Punojnë vullnetarisht, pas pune, pas shkolle, punojnë duke marrë nga koha e tyre e lirë për të mbuluar territorin shpirtëror të këtij vendi. Për të pasur komunikim të drejtpërdrejtë me njerëzit e zakonshëm të këtij vendi. Sepse beteja e përditshme e PS është beteja për të fituar mendjet dhe zemrat e njerëzve", tha Rama.

Teksa foli për projektet zhvillimore për Durrësi, Rama i ftoi të rinjtë të bëhen bashkë kundër gjithccka që përfaqëson pala tjetër.

Rendit zhvillimet sipas orarit:
Ora 13:01
'Babai i punon në ndërtim dhe nëna rrobaqepëse', Rama tregon historinë e ekselentes që studion në degën e ëndërruar

 

Në fjalën para të rinjve durrsakë, Kryeministri Rama pasi falënderoi për fjalimin Bojkenën, një studente ekselente, tregoi me pak fjalë historinë e saj. Sipas Ramës ajo sot studion në një degë që e ka ëndërruar, edhe pse babai saj është punëtor ndërtimi dhe nëna e saj është punonjëse në një rrobaqepësi. Sipas tij pak vite më parë kjo do të ishte e pamundur.

"Babai i saj është punëtor ndërtimi, nëna e saj është punonjëse në një rrobaqepësi. Bojkena sot studion në fakultetin që ka dëshiruar dhe ka merituar. Por nëse do të kishte trokituar 5-6 vite më parë nuk do të kishte arritur dot. Sepse deri para 5-6 viteve e dinë shumë mirë disa se sa stres ishte që të futeshe në universitet ku të takonte nëse do ishe vajza e një punëtori ndërtimi", tha Rama.

 

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Greqi/ Zëvendëskryeministri Bratakos dhe ministri i Shtetit Papastavrou largohen nga qeveria

Greqi/ Zëvendëskryeministri Bratakos dhe ministri i Shtetit Papastavrou largohen nga qeveria