Rama: Model, jo geto! Ja ku do të ndërtohen tre lagjet e reja në Tiranë (VIDEO)

Në Tiranë do të bëhen tre lagje të reja dhe jo dy, të cilat do të jenë te '5 Maji', Kombinat dhe në Shkozë. "Në Durrës do të bëjmë një lagje komplet të re, kjo është shumë e qartë. Hapësirat ku ka pasur shembje do të kemi parqe, infrastrukturë sociale dhe arsimore, apo edhe në Tiranë jemi të qartë se duhet një ndërhyrje e fortë në Kombinat prishja e atyre godinave me probleme dhe ndërtimi i një blloku të ri banesash për të akomoduar ata njerëz.

Një pikë tjetër te "5 Maji" pranë lumit ku ne mund të bëjmë spostime, pa ju spostuar komplet jetën, aty do të bëjmë një lagje tjetër dhe tjera te ish-Uzina e Autotraktorëve (Shkozë). Këto tre pika ne plotësojnë nevojën. Me objektivin afat gjatë 10 mijë apartamente dhe afatshkurtër 5 mijë. Do të jenë lagje të reja sikur nuk ka sot në Shqipëri, kopshte, shkolla, çerdhe, kënde sportive me të gjitha. Lagje model, jo geto. Në Lac duhet të fillojmë shembjet, që të kemi po ashtu një lagje të re në gjithë atë zonë".

Lajmi kryesor:

Rama: Kemi gati listën e ndërtuesve abuzues, po kopsitim dosjet, që KÇK-ja të mos i shfryjë hetimet (VIDEO)

/b.ha./Shqiptarja.com

TAG:
• edi rama
• anti kck
• termet me viktima ne Shqiperi