Rama: Ndihmë financiare për naftëtarët! Janë punonjës të rëndësishëm, nuk duam t'i humbasim

Kryeministri Rama pas takimit me përfaqësinë e naftëtarëve në Fier, u shpreh se qeveria nuk mund të marrë përsipër pagesat e tyre, por do tu ofrojë një ndihmë financiare, një ofertë që do të duhet të pranohet nga punonjësit.

Ai tha se punonjësit e rafinerisë së Ballshit janë të rëndësishëm për shkak të formimit të tyre profesional.

"Çështja e këtyre njerëzve ssot është një çështje që na takon neve për ta adresuar. Rruga e thjeshtë ligjore ishte që të drejtoheshin për të marrë asistencën. Në këtë rast bëhet fjalë për një grup njerëzsish që kanë eksperiencë dhe një formim profesional që nuk kemi luksin ta zhbëjmë. Ne kemi arritur që qeveria të marrë përsipër një ndihmë financiare. Nuk mund të jetë paga e punës së tyre por natyrisht do flasim për pagën e asistencës. Nuk është çështja jonë e pagave të prapambetura. Është çështje e kompanisë dhe për vendimi gjyqësor që ato flasin është për kompaninë dhe jo për qeverinë. Jemi duke bërë përpjekje çdo ditë. Janë shumë familje që po vuajnë nga kjo situatë. kompanitë kanë në dorë. Është e drejta e tyre për grevë. është një ofertë e arsyeshme pasi marrim përsipër të paguajmë duke pasur parasysh që nuk janë një grup i zakonshëm punëtorësh dhe ne nuk duam t'i humbasim. Do të vendosim në dispozicion një shumë të konsiderueshëm. Do të jetë diçka e ndërmjetme mes asistencës dhe pagës së tyre" - tha Rama.


Lajmi kryesor:

Gratë dalin nga greva! Takim Rama me naftëtarët! Kreu i Sindikatës, Dautaj: Pagat nuk u morën përsipër nga asnjëra palë! Kryeministri: Do japim një ndihmë financiare (VIDEO)


E.M./Shqiptarja.com
  • Sondazhi i ditës:

    A e mbeshtesni nismen Ballkani i Hapur krijuar nga Shqipëria, Serbia dhe Maqedonia e Veriut?



×

Lajmi i fundit

John

Me 2 mina me telekomandë në çantë, gati për t'i shitur, bie në prangat e policisë 38-vjeçari në Lezhë! Arrestimi pas 3 javë hetimesh