POP 5

Lajmet më të lexuara të 5 minutave të fundit

Politikë

Rama te këndi i ri i tenisit në Liqenin e Tiranës: Një tjetër oaz sportiv që u shtohet fëmijëve e të rinjve

Një tjetër oaz sportiv, shezlongë dhe një mol i shtohen Parkut të Liqenit. Kryeministri Edi Rama, së bashku me kryetarin e Bashkisë së Tiranës Erion Veliaj vizituan ditën e sotme dy fushat e reja të tenisit, një tjetër oaz sportiv që i shtohet Liqenit të Tiranës, e kthyer në një hapësirë multifunksionale në mes të parkut

Një tjetër oaz sportiv, shezlongë dhe një mol i shtohen Parkut të Liqenit.  

Kryeministri Edi Rama, së bashku me kryetarin e Bashkisë së Tiranës Erion Veliaj vizituan ditën e sotme dy fushat e reja të tenisit, një tjetër oaz sportiv që i shtohet Liqenit të Tiranës, e kthyer në një hapësirë multifunksionale në mes të parkut.

Rama tha se këndi i ri i tenisit është një tjetër oaz sportiv që u shtohet fëmijëve e të rinjve. Sipas tij ky është një park ku ndjehesh tamam si në çdo qytet të bukur të Europës.

"Liqeni i Tiranës - Tek këndi i ri i tenisit, një tjetër oaz sportiv që u shtohet fëmijëve e të rinjve, në një park ku ndjehesh tamam si në çcdo qytet të bukur të Europës", shkruan Rama.

Veliaj tha se Liqeni është “çibani” i fundit i çliruar me marrjen e drejtimit të Bashkisë së Tiranës, i transformuar totalisht në funksion të qytetarëve që çdo ditë e më shumë po e frekuentojnë sot parkun e gjelbër të Tiranës. 

“Ngaqë ka qenë e zënë me ferra, shumica e njerëzve as nuk e dinin që ishte gjithë kjo hapësirë. Ky na kishte ngelur tamam si ai çibani i fundit për tu çliruar, e kur mbaj mend që erdhëm këtu ditën e parë, e gjetëm dosa, dhi, keca e cdo gjë në Liqen, e paimagjinueshme,” u shpreh Veliaj. 

“Ne e kemi zgjeruar për t’iu përshtatur përmasave të Federatës së Tenisit dhe jemi në fazën përfundimtare. Sot që flasim kemi 600 metër katrorë sipërfaqe që është rehabilituar”, u shpreh Erinda Fino, drejtore e Agjencisë së Parqeve dhe Rekreacionit. 

Veç dy fushave të tenisit në Parkun e Liqenit janë vendosur dhe dy tavolina ping-pongu, disa stola në formë shezlongu me pamje nga liqeni, si dhe një mol.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Lista e PS për 14 Majin me 44 rikandidime e 17 emra të rinj, si e vlerësoni?

Lajme të tjera



×

Lajmi i fundit

Planifikuan vjedhje me armë në Lushnjë, arrestohet shoferi i makinës në Elbasan! Në kërkim 2 të tjerët, rrezikuan jetën e policisë kur ia mbathën

Planifikuan vjedhje me armë në Lushnjë, arrestohet shoferi i makinës në Elbasan! Në kërkim 2 të tjerët, rrezikuan jetën e policisë kur ia mbathën

26 Mars, 10:56