'Rama zhyti në krizë dhe depresion shqiptarët', Basha: Bizneset punojnë 32 ditë në vit vetëm për të paguar taksat

Sistemi i taksimit i ka zhytur gjysmën e shqiptarëve në depresion dhe krizë thotë Lulzim Basha. Kreu i PD, nëpërmjet një postimi në rrjetët sociale', ka publikuar një raport të OECD-së ku thuhet se bizneset në vit duhet të punojnë 32 ditë në vit për të paguar 35 lloje të ndryshme taksash dhe tarifash.

Më tej Basha tregon se si do të shpëtojë vendi nga situata, duke reklamuar edhe njëherë taksën e sheshtë.

"Të punosh dhe bësh biznes në Shqipëri është një luftë e përditshme me qeverinë dhe zyrtarët e korruptuar.

Sistemi që RAMAVIRUSI ka ngritur për të zhvatur bizneset, u vjedh atyre 32 ditë në vit për të paguar 35 lloje të ndryshme taksash dhe tarifash. Kjo llogari e publikuar nga Organizata për Bashkëpunim Ekonomik dhe Zhvillim, OECD, fakton sa i drejtë është vendimi ynë për të ndryshuar këtë sistem mbytës për ekonominë e çdo familje.

Me taksën e sheshtë 9 %, me një sistem taksimi të unifikuar, të lehtë dhe të parashikueshëm, do ta shndërrojmë Shqipërinë në një vend tërheqës për të punuar, investuar dhe bërë biznes.

E dimë që vendimet tona shkojnë kundër interesave të një grushti njerëzish të lidhur me pushtetin personal të Edi Ramës, por ne do t’i marrim këto vendime për ta pastruar ekonominë nga RAMAVIRUSI dhe për ta çliruar shumicën absolute të shqiptarëve nga depresioni dhe kriza RAMA. Ekonomia nuk do të punojë për të pasuruar qeveritarët dhe klientët e tyre, por do të prodhojë mirëqenie, duke hapur vende të reja pune.

Ndryshimin nuk ka forcë ta ndalë askush!"-shkruan Basha.

Ne.k./Shqiptarja.com

TAG:
• edi rama
• lulzim basha
• taksa progresive
• taksa e sheshte