Biznesmeni Jordan Kamçev, protagonist i rastit “Reket” apo “Zhvatja” që tronditi Maqedoninë e Veriut, ka dëshmuar në gjykatë mbi përfshirjen e ish-kryeprokurores speciale Katica Janeva në përfitimin e parave me ndërmjetësimin e Bojan Jovanovski, i njohur si Boki 13.
Sipas INA, Kamçev tha para trupit gjykues se kompania e tij kishte rënë pre e skemës së zhvatjes, duke akuzuar Boki 13. Ai tha se ka komunikuar dhe është takuar me Boki 13 dhe biznesmenin Kiçeç, dy figurat e përfshira në ‘Reket’ bashkë me Katica Janevën.
Kamçev ka dëshmuar se në një rast ka biseduar në telefon me Katicën, ndërsa edhe janë takuar ku ka qenë i pranishëm edhe djali i saj, Llazar Janev.
“Një shumë prej 350 mijë euro është paguar nga Ana Kamçeva. Bojan Jovanovski, paratë i futi në një kuti këpucësh dhe “këtë dhuratë: ia dërgoi Katica Janevës”, është shprehur ai, duke theksuar më tej se Boki 13 i ka thënë se duhet të japë një shumë mbi një milionë euro, sepse Janeva nuk bindet me më pak se aq, për një favor që ai kërkonte ti bëhej.
Sipas Kamçev, ai e ka refuzuar fillimisht shumën e kërkuar por pastaj u detyrua të jepte 8 milionë euro
Kamçev është një prej prej njerëzve më të pasur në Maqedoninë e Veriut. Ndaj tij u nis një hetim vitin e kaluar nga Prokuroria Speciale, i akuzuar për një sërë krimesh përfshirë ato të bashkëpunimit kriminal, mashtrimit dhe pastrimit të parave.
Lajme të tjera
-
DASH shpall non grata tre zyrtarë nga Ballkani, mes tyre ish kryeprokuroren e Posaçme të Maqedonisë dhe ish kryetarin e Kaçanikut në Kosovë
18 Mars, 16:34 -
Me 11 milionë euro garanci, lirohet nga burgu biznesmeni maqedonas Jordan Kamçev
5 Janar 2022, 13:40 -
Çështja 'Reket', dënohet me 7 vite burg Katica Janeva, ish-kryeprokurorja Speciale në Maqedoninë e Veriut
18 Qershor 2020, 13:02
