POP 5

Lajmet më të lexuara të 5 minutave të fundit

Sport

Real Madrid i jep leksion Liverpool-it dhe hipotekon gjysmëfinalet, Manchester City mposht me vuajtje Dortmundin

Real Madrid prenoton gjysmëfinalet e Champions League. Spanjollët i dhanë leksion Liverpulit duke e mposhtur 3-1 në ndeshjen e parë çerekfinale dhe prekin kualifikimin. Ndërkaq Mançester Siti fitoi me vështirësi 2-1 ndaj Dortmundit. 

Në ndeshjen e parë të çerekfinaleve të Champions League Real Madrid mposht 3-1 Liverpool dhe hipotekon fazën gjysmëfinale. Në stadiumin “Alfredo Di Stefano” protagonisti më i madh i mbrëmjes ishte brazilini Vinicius që shënoi dy gola. Vinicius së pari dërgoi në rrjet një pasim të bukur të Kroos në minutën e 27-të dhe në minutën e 65-të mbylli llogaritë e takimit me golin e tretë. Marco Asensio ishte ai që e dërgoi ndeshjen në 2-0 rezultat ky që mbylli pjesën e parë. Liverpooli bëri shumë gabime në mbrojtje dhe mban gjallë shpresat falë golit të shënuar nga i zakonshmi Salah në fillimin e fraksionit të dytë. Real Madrid më pranë gjysmëfinaleve ndërsa Liverpoolit i duhet një tjetër mrekulli.

Më shumë nga parashikimet vuajti Manchester City në ndeshjen tjetër çerekfinale ndaj Dortmundit. Ekipi i Guardiolës fitoi 2-1 në ishull ndërsa ishte De Bruyne që zhbllokoi takimin. Më pas emocione pati në dhjetë minutat e fundit të ndeshjes ku gjermanët barazuan me Reus dhe ishte Foden që në limite i dha fitoren Cityt. Gjithsesi kualifikimi mbetet i hapur dhe do vendoset pas 8 ditësh në Gjermani./ Përgatiti Andi Kapxhiu.

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

Milani ndan rrugët me Piolin, tifozët votojnë për trajnerin e ri! Ish-rivali në stolin kuqezi

Milani ndan rrugët me Piolin, tifozët votojnë për trajnerin e ri! Ish-rivali në stolin kuqezi

20 Prill, 11:02