'Zgjedhorja', Yuri Kim i lë përgjegjësinë PD: Kemi arritur një marrëveshje shumë të mirë! Topi në fushën e mikut tim Luli Basha, të mos mbajë peng integrimin

TIRANE-Pas 9 orësh takim për të dytën ditë radhazi në rezidencën e SHBA, ambasadorja Yuri Kim e prerë në deklaratën e saj tha se palët kanë arritur në marrëveshje shumë të mirë dhe se të gjitha partitë dhanë në këtë proces. Nëse ende nuk ka një 'tym të bardhë' dhe dakordësi të plotë për marrëveshjen që mban në dorë, për ambasadoren e SHBA Yuri Kim përgjegjësia është e mikut të saj Luli Basha duke i thënë hapur se "topi është në fushën e tij dhe tashmë ai ka në dorë të integrimin e vendit". 

Ambasadorja Kim u shpreh se çdo palë dha në këtë proces, por vlerësoi Partinë Socialiste duke thënë se dha shumë dhe i takonte një gjë e tillë si partia në pushtet. Ajo i bëri thirrje kryedemokratit Basha se reforma zgjedhore është jetike për integrimin e vendit dhe se ai nuk mund të mbante peng të ardhmen e shqiptarëve, duke lënë të kuptohet se duhet të heq dorë nga kërkesat jo realiste dhe se marrëveshja ishte arritur dhe pritet vetëm 'firma' e PD-së.

Por për Lulzim Bashën edhe pse vlerësoi progresin për administratën zgjedhore, tha se 'ka ende një çështje pa zgjidhur', pa theksuar se cila është ajo.

Në marrëveshjen e arritur, Yuri Kim tha se janë adresuar të gjitha rekomandimet e OSBE/ODIHR-it dhe se kjo reformë do e vendos vendin në mënyrë të patundur drejt anëtarësimit të saj në BE. 

Pritej që mbledhja të riniste sërish në orën 20:30 në rezidencën amerikane, por të vetmit që u shfaqën ishin Rudina Hajdari e Damian Gjiknuri. Pas largimit nga 'shtëpia' e amerikanëve, Oerd Bylykbashi e Petrit Vasili 'zbarkuan' në selinë blu ku konsultat e gjata me Lulzim Bashën dhe Monika Kryemadhin bënë që mbledhja në rezidencën amerikane të mos riniste më.

Rendit zhvillimet sipas orarit:
Ora 22:31
Basha i përgjigjet Yuri Kim: Ka mbetur një çështje pa zgjidhur (VIDEO)

Në një kohë kur ambasadorja amerikane tha se marrëveshja për zgjedhoren priste firmën e PD, Lulzim Basha me një deklaratë tepër të shkurtër tha se është arritur progres për zgjedhore, por ka ende një çështje pa zgjidhur.

"Është bërë progres drejt dakordësisë për administrimin zgjedhor, ka mbetur një çështje pa zgjidhur. Sigurojë shqiptarët që opozita e bashkuar do të bëjë gjithçka për votën e lirë dhe të ndershme", tha Basha.

Ora 22:00
Yuri Kim: Kemi arritur një marrëveshje shumë të mirë! Luli Basha të mos mbajë peng integrimin (VIDEO)

Ambasadorja e SHBA, Yuri Kim pas 9 orë mbledhje ka dalë në konferencë duke thënë se palët kanë arritur në marrëveshje shumë të mirë dhe s topi tani është në fushën e PD. Ajo tha se PS ka dhënë shumë në këtë proces dhe se Luli Basha siç e quajti Kim, nuk duhet të mbajë peng të ardhmen e vendit në BE.

"Ishte një ditë e gjatë dhe kemi bërë një progres të mirë. Ne u takuam edhe për 9 orë të tjera sot dhe bëmë progres të madh. Ashtu siç thash dje në një negociatë që është kaq e rëndësishme për të ardhmen e Shqipërisë, çdo  palë i kërkohet që të jap në mënyrë që Shqipëria të fitoje. Në fakt çdo palë dha dhe çdo palë fitoi, populli mund të fitojë akoma më shumë. Çdo palë dha por më duhet ti jap merita të veçanta partisë në pushtet. Ne e bëmë të qartë se partia në pushtet ka privilegjet e tyre dhe ata duhet të japin më shumë dhe në fakt ata e bënë. E përgëzoj PS për atë që bënë këtë mbrëmje. Ne patëm atë që mund të jetë një marrëveshje shumë e mirë, që do të vendose Shqipërinë në mënyrë të patundur drejt anëtarësimit të saj në BE. Përmban masa të cilat janë adresuar nga ODIHR. Ka ardhur koha për opozitën dhe PD dhe mikun tim Lul Basha që të barazpeshojë të gjithë faktorët dhe ti thonë po për popullin shqiptar dhe ti thonë po për Shqipërinë në BE. Topi është në fushën e tij, e ardhmja është në fushën e tij", tha Kim.

Ora 21:21
Basha e Kryemadhi konsulta të gjata me Bylykbashin e Vasilin për 'Zgjedhoren', lënë në pritje ambasadorët

1591212220_PDnaten1024x576.jpg

Oerd Bylykbashi dhe Petrit Vasili vijojnë ende mbledhjen në selinë blu me Lulzim Bashën, Monika Kryemadhin dhe Shpëtim Idrizin.

Mbledhja ka nisur që në orën 19:00 dhe vijon prej më shumë se dy orësh, ndërsa  konsultat e gjatë mes tyre për reformën zgjedhore kanë lënë në pritje ambasadorët.

Rinisja e takimit në rezidencën amerikane mes palëve politike dhe 3 ambasadorëve, Yuri Kim, Luigi Soreca dhe Duncan Norman ishte parashikuar të fillonte në orën 20:30, por të vetmit që kanë mbërritur janë Rudina Hajdari e Damian Gjiknuri.

Ora 20:34
Mbaron pushimi 90 minuta, mbërrijnë në takim me ambasadorët Rudina Hajdari dhe Damian Gjiknuri (VIDEO)

Pas pushimit 90 minuta të mbledhjes mes anëtarëve të këshillit politik dhe 3 ambasadorëve, e para që është shfaqur në rezidencën amerikane është Rudina Hajdari. Pas saj ka mbërritur dhe Damian Gjiknuri.

Ora 19:17
Bylykbashi e Vasili 'zbarkojnë' në selinë blu, u bashkohet dhe Kryemadhi me dorë të fashuar

Pas përfundimit të takimit, Oerd Bylykbashi dhe Petrit Vasili kanë shkuar në selinë blu ku pritet të zhvillojnë konsultimet lidhur me diskutimet e bëra gjatë 7 orë takimi në rezidencën amerikane.

Në selinë e PD pak minuta më pas ka ardhur edhe kryetarja e LSI, Monika Kryemadhi. Ajo që ka rënë në sy është se Kryemadhi u shfaq me dorë të fashuar dhe probleme me ecjen, duke lënë të kuptohet se mund të ketë pësuar ndonjë incident.

Monika Kryemadhi në selinë blu
Ora 18:57
90 minuta pushim pas 7 orësh takim, ndërpritet mbledhja në rezidencën amerikane (VIDEO)

Ndërpritet për një pushim prej 90 minutash mbledhja mes 4 anëtarëve të këshillit politik me ambasadorët e SHBA, BE dhe Britanisë së Madhe. Pushimi nisi në orën 19:00 dhe do të jetë deri në orën 20:30  ku palët do të rimblidhen sërish. Duket se kjo do të jetë një natë e gjatë diskutimesh ku ambasadorët Yuri Kim, Soreca dhe Norman kanë kërkuar arritjen e konsensusin ditën e sotme.

Ora 17:20
Vijon mbledhja për 'Zgjedhoren', 6  propozimet e opozitës që po diskutohen në rezidencën amerikane

Prej orës 11:00 vijon takimi i ambasadorëve të SHBA, BE dhe ai britanik me 4 anëtarët e Këshillit Politik, Rudina Hajdari, Damian Gjiknuri, Oerd Bylykbashi dhe Petrit Vasili. Report Tv ka zbardhur 6 propozimet që opozita e bashkuar ka paraqitur në diskutimin e sotëm që janë:

 -100 % identifikim biometrik në të gjithë Shqipërinë, për të cilën Rudina Hajdari tha mbrëmë se është arritur dakordësi me palëve.

-Një tjetër propozim është dhe 3 komisionerë të propozuar nga partitë politike i zgjedh KQZ me short

-2+2 komisonerë vëzhgues zgjidhen direkt nga partitë politike

-Ankimimi i procesit zgjedhor në Gjykatë Kushtetuese dhe jo si deri më tani në Kolegjin Zgjedhor

-Opozita e bashkuar bie dakord me propozimin e PS për formulën e KQZ me 3 nivele

-Komisionerët e numërimit, 1 anëtar nga KQZ ose 3+3 vëzhgues nga partitë ose 4 komisionerë të zgjedhur nga 4 partitë më të mëdha në vend. Kryekomisioneri të jetë propozim i opozitës

Dita e sotme do të shënojë dhe arritjen e konsensusit mes palëve, një gjë e kërkuar prerë nga Yuri Kim, Soreca dhe ambasadori Norman.

Ora 13:46
Vijon mbledhja e këshillit politik në rezidencën e ambasadores amerikane

Prej orës 13:15 në rezidencën e ambasadores amerikane në Tiranë Yuri Kim vijon takim i këshillit Politik për Reformën Zgjedhore. Gjiknuri, Bylykbashi, Rudina Hajdari dhe Vasili vijojnë diskutimet në drejtimin e ambasadores së SHBA Kim, por edhe të BE-së Soreca dhe Britanisë Norman.

Ora 13:14
Damian Gjiknuri rikthehet në rezidencën amerikane

Përfaqësuesi i PS-së në Reformën Zgjedhore Damian Gjiknuri është rikthyer në tryezën e reformës zgjedhore që po zhvillohet në rezidencën e ambasadores amerikane në Tiranë Yuri Kim. Pas pak pritet që takimit t'i ribashkohen edhe Bylykbashi me Vasilin.

Ora 13:11
Basha dhe Kryemadhi këshillojnë Bylykbashin dhe Vasilin për reformën zgjedhore

1591189946_vasili.jpg
Lulzim Basha zhvilloi një takim me Monika Kryemadhin në selinë blu së bashku me Oerd Bylykbashin dhe Petrit Vasili, të cilët kanë orientuar dhe sugjeruar Oerd Bylykbashin dhe Petrit Vasilin për qëndrimin që duhet të mbajnë në tryezën e këshillit që po zhvillohet në rezidencën amerikane.
1591182712_basha.jpg

Ora 12:15
Ndërpritet mbledhja, ikën edhe opozita, pritet që të rikthehen pas konsultimeve me partinë

Pas Damian Gjiknurit nga mbledhja është larguar edhe opozita. Përfaqësuesit e PD-LSI-së, por edhe Rudina Hajdari kanë dalë nga takimi. Mbledhja është ndërprerë pasi palët pritet që të konsultohen me liderët e partive për lëshimet që duhet të bëjnë. Oerd Bylykbashi dhe Petrit Vasili kanë shkuar në selinë e PD-së për t'u konsultuar me Lulzim Bashën pas negociatave të drejtuara nga SHBA. 

Ora 12:10
Gjiknuri largohet nga mbledhja për 'Zgjedhoren' te rezidenca amerikane

Përfaqësuesi i PS-së në tryezën e Reformës Zgjedhore Damian Gjiknuri është larguar nga tryeza e reformës zgjedhore që është zhvendosur tashmë te rezidenca e ambasadores amerikane. 

/B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Armiku: 04/06/2020 12:17

    Ka mbi 12 vjet qe te gjithe Ambasadoret e SHBA-s jane “kunder” PD-s, ne fakt Sales e Metes, se Lyl ose Myl nuk e di kush eshte “”. Une JAM DEMOKRAT, Jo Socialist- Punist, po si ka mundesi qe PS e Ram, Nano ..., SHBA te zgjedhe keta, ( 4- 5 Ambassador), dhe jo “antikomunistin” Birish, ish-Sekretar i PPSH-s?! Me falni por nuk aq kantunar qorr e antikapat , te me mbushe mendjen Luli e Meta (Sala), se Amerikanent po kthehen ne Komuniste. Poshte Salat e PPSH-s, Votoj per USA- Be...

    Përgjigju
  • O tej: 04/06/2020 09:43

    Bashes duhet me i lene nje top m*ti te madh mu ne dere ose tja varin ne qafe.

    Përgjigju
  • Taku: 04/06/2020 09:15

    Po lere PD o znj. KIM, TE MOS FUTET ME MIRE NE ZGJEDHJE SE KRYETARI MENDON QE TANI SI T EJUSTIFIKOHET PER HUMBJEN, SE OER TE DITUAR NUK KA AS STOFEN, AS KARIZMEN, AS PERKRAHJEN, AS IDE.

    Përgjigju
  • konjak: 04/06/2020 08:57

    Kerkesat nga krahet politik per zgjedhiet , duhet te mirren parasysh dhe te ballancohen . Nese edhe nderkombetaret behen pale me qeverisien , atehere problemi qendron tek ata . Popullit nuk i duhet pseudodrejtesia , eksperimentet , keta zoterinj ti bejne diku ngjekt . Nese keta zoterinj , na paskane dash te miren , pse benin qorrin , dhe e lane shqiperine -- edhe me bekimin e tyre -- u shkaterruan institucionet , dhe tani bejne sikur u digjet shpirti per ne , duke bere ca palo eksperimente . Nese dote vazhdojne te trazojne pa pushim , keq e me keq do te shkojme . Kjo gjendie ju pelqen vecse , hajduteve .

    Përgjigju
    • Pisk: 04/06/2020 10:49

      Shoku, kerkoji llogari personit qe voton ti, Jo zonjes se as e kemi votuar, as I paguajme taksa

  • UKU MOMLIT: 04/06/2020 07:47

    Keta gjidi edepseze (fare e keqe) te partive te hashashtallashit keshtu e duan dhe vetem keshtu detyrohen. Fundi i tyre filloj rrokullisjen dhe USA DO TA BEJ SHQIPERINE DHE SHQIPTARET DO TE SHPETOJNE NGA E KEQIA SHEKULLORE.

    Përgjigju
  • Chicago: 04/06/2020 07:36

    Per mendimin time te mbaroj kjo dhe pastaj tju bllokoj te gjithe keta te PD dhe te LSI edhe keta nga partite e vogla mos tju japin asnjerit vizen per te dalejashte shqiperise tju blokojn parate shtepiye tokay te gjitha cfare kane te mos kene mundesi te dalin nga shqiperia “” prandaj vine verdall si miu se kane frike prandaj se dine se cfare i pret. I pret qe e kane rjepur popullin e kane cvatur turp o zote vene dote keta abasandoret 30 vjet ishalla i erdhi fundi , me zi pres te gdhihet deri ne mengjes me habere te mira

    Përgjigju
  • Kasem: 04/06/2020 01:02

    Ne vend qe i ashtuquajtur faktori i huaj te zerohej, ai prape luan nje rol thelbesor ne diktimin ndaj shqipetareve. Ara rreken te rheksojne i teresin e popullit, porse kane parasysh vetem interesin e vendit te tyre. Te cilin kryesisht e avancojne me mardhenie te mire me ate qe eshte ne pushtet dhe te cilin e perkedhelin sa kohe qe u sherben. Opozira e di mjaft mire kete, se ka qene ne pozite te ngjashme. Me keto marreveshje te peshtira ai qe humbet si gjirhmone eshte populli, qyteraret. Te cilet serish nuk do kene mundesi te zgjedhin. Porse ata do votojne partine dhe partia me keyetarin ne krye do vete ate qe i do bytha ne liste. Shkoqur, niveli me i larte i korruptimin ne nje vend: kapje shteti.

    Përgjigju
  • USA citizen: 04/06/2020 00:35

    Ms Kim ju jeni ne shqiperi Per te perfaqesuar interesat e USA dhe per te perkrahur SHTETASIT amerikane ne shqiperi Ju jeni ne dieni qe ka shtetas amerikane qe u eshte shkateruar dhe vjedhur prona Private dhe ju heshtni REFORMEN NE DREJTESI TA ZGJIDHIN SHQIPETARET N Q S TI E KE KOHEN E TEPERT PER TE NDERHYRE NE POLITIKE NDERMJET PARTIVE POLITIKE SHQIPETARE KJO NUK ESHTE PUNA JOTE TI PAGUESH NGA TAKSAPAGUESIT AMERIKANE SHKO NE DREJTORITE E POLICIVE NEPER RRETHE SA DENANCIME NGA SHTETAS AMERIKANE KA PER VJEDHJE PER SHKATERIM PRONE DHE SI RREAGON DREJTESIJA E ED RAMES

    Përgjigju
  • SHQIPNI: 04/06/2020 00:14

    Lulo djali loja koha ka mbaruar... kujdes autogolat

    Përgjigju
  • populli: 03/06/2020 23:54

    Fati keq i lulit.. Nuk ka me lek per te vjellur ne kete vend..

    Përgjigju
  • Besua nga Vlora: 03/06/2020 23:18

    Kurrë mos befshi prokopi o njerëz te shëmtuar... Ja moret frymën ketij populli,si nuk ju vjen turp o gjakprishur që nuk na lat te ngrem koken na keni lënë si arrixhinjt nëpër rrugët e botës edhe juve vazhdoni beni pazare për ti pirë gjakun ketij populli.. Turpi ju mbulofte

    Përgjigju
  • korca: 03/06/2020 23:11

    PD gjithmon kunder interesit te shqiperis

    Përgjigju
  • LORA: 03/06/2020 22:37

    Nese ne Shqiperine tone do t'e kishte nisur implementimi dhe frutet e Reformes ne Drejtesi,,,,atehere fatet e integrimit me dinjitet te shqiptarve ne EU nuk do te mbeteshin per turp pengje individesh.

    Përgjigju
  • Shqiptar: 03/06/2020 22:35

    E ardhmja e Shqiperise nuk mund te luhet ne duart e Bashss e nderuar Ambasadore. S'ka qene asnjehere me Shqiperine dhe Shqiptaret. Sepse tutori i tij, Sali Berishoviçi e ka udhetuar mire.

    Përgjigju
  • Kafsha: 03/06/2020 21:59

    Fshatarja krye mu ti!

    Përgjigju
  • luan: 03/06/2020 21:08

    A ma shpjegon dot njeri cdo ne keto lloj takimesh ajo aguridhja e Azemit , ke perfaqeson,kush e ka zgjedhur , interesat e kujt mbron .Qe kur merr pjese kjo letyra reforma eshte nul .

    Përgjigju
    • Tigri: 04/06/2020 00:09

      Ajo perfaqeson popullin dhe veten e saj dmth... ajo do behet kryetarja e Pd-s ne te ardhmen...

  • Emi: 03/06/2020 21:07

    Populli ka marr rrugate per buken e gojes. Dhe ketaj qej politikaj kaj tash 30 vjete si grihete me njeri tjetrin dhe ja zorren bojen shqipnis te pa fetyre pa gjak pa seder.

    Përgjigju
  • Rahman Gashi: 03/06/2020 20:34

    Ca makinash kan. Kemi 25 vjet ne kurbet dhe si blejm dot

    Përgjigju
  • redi: 03/06/2020 18:34

    Mjaft ,kjo klase politike ka 30 vjet qe i ka hip ne qafe etij populli dhe nuk i ndahet .Shporruni dhe syte mos tjua shikojme me .Nuk keni besim ne ligje dhe kod zgjedhor se jeni aktor te zgjedhjeve te vjedhura ,sidomos opozita qe nuk te linte nje kerkese te plotesihej kur kishte qeverine.Demokracia eshte narreveshje dhe jo oazar per plotesim rekash

    Përgjigju
  • LORA: 03/06/2020 18:16

    I mbulofte turpi dhe balta babalet dhe lesh-e-listet e historive te tyre ekskluzive te tjetersimit te vullnetit sovran ne Shqiperi. Po dridhen e perdridhen ,ne menyre transparente para ambasadoreve,,,thua se shqiptaret nuk ua njohin historine e hajnive te tyre me voten.Ne cdo piruete laperdhare,per mua,deshmojne vetveten me bemat kriminale qe i kane bere vete kur kane qene ne qeverisje.A mund te harrohet mengeperveshja e arixhiut Arvizu te rruges se Elbasanit ne zhvatjen e vullnetit te qytetareve te Tiranes ne maj-qershor 2011,,,per dy muaj u perdhunua live ky vullnet. Ne zgjedhjet e vitit 1991,kur nuk njihej fare teknologjia,doli brenda nates rezultati i zgjedhjeve,me 1 prill,,,vetem me ndihmen e telefonave te kohes.Sa me shume i largoheshim asaj kohe aq me shume zhdervjellesonte PD-ja shkeljen me kembe te vullnetit te shumices se shqiptarve dhe gjeneronte mazhoranca jo-legjitime. I hengert mortja socialistet,nese bejne leshime.

    Përgjigju
  • UKU MOMLIT: 03/06/2020 12:25

    Partite shqiptare dhe klasa politike ne Shqiperi nuk duan as reforme as pranim te SHQIPERISE ne organizatat EUROATLLANTIKE se kjo kthese shenon fundin e tyre. Por vendosmeria EUROATLLANTIKE eshte e fuqishme dhe teresore per ndertimin e shtetit ligjor ne Shqiperi. Mirnjohje per USA-BE!

    Përgjigju
    • Medi Dervishi: 04/06/2020 00:00

      Basha eshte VRASESI i 4 demostruesve te 21 janarit .Ai eshte zezaku i Sali Berishes dhe Ilir Metes , ato nuk e duan Shqiperine ne Europe, ato te tre duan prangat.

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Droga shqetësim në qarkun e Lezhës! Përgjatë vitit të kaluar mbi 63 mijë rrënjë kanabis, Prefekti: Nuk do të ketë tolerime ndaj kultivuesve

Droga shqetësim në qarkun e Lezhës! Përgjatë vitit të kaluar mbi 63 mijë rrënjë kanabis, Prefekti: Nuk do të ketë tolerime ndaj kultivuesve