Rënia e euros, Sejko këshillon qytetarët: Mos bëni konvertime nisur nga kursi

Banka e Shqipërisë ka këmbëngulur se strategjia e saj për stimulimin e përdorimit të monedhës vendase nuk ka asnjë efekt psikologjik dhe se agjentët ekonomikë nuk duhet të veprojnë nën panikun e luhatjeve të kursit për të konvertuar eurot në lekë. 

Guvernatori i Bankës së Shqipërisë Gent Sejko, thotë se forcimi i ndjeshëm i lekut karshi euros, nuk është pasojë e politikave dhe strategjisë së saj për të forcuar monedhën vendase, por e faktorëve të tjerë specifikë të këtij tregu.

“Në radhë të parë do i ftoja eksportuesit të vijnë dhe të bashkëbisedojnë me ne për t’i sqaruar mbi efektet që ka jo vetëm strategjia jonë për stimulimin e monedhës vendase por edhe roli dhe forma që po e bëjmë. Letrën e tyre e kemi marrë por dua të nënvizoj se ne e shohim efektin e kursit të këmbimit në aspektin makroekonomik”, tha Sejko duke iu përgjigjur kështu shqetësimit të eksportueseve.

LEXO EDHE:
E hënë e “zezë” për valutat, Euro në rënie të lirë, nënçmohet me mbi 12%! Arsyet pse ky zhvlerësim kundrejt lekut

Gent Sejko, Guvernator i BSH

Sakaq, Sejko foli edhe për efektin psikologjik nga strategjia e deeurozimit. 

Faktikisht kjo strategji është e lidhur me disa norma mbi bazën e rezervës së detyrueshme që aplikohen vetëm në tregun bankar. Nga të dhënat që kemi ne, niveli i depozitave në euro nuk ka ndryshuar përkundrazi është rritur. Nëse ka një shprehje në rënie të këtyre depozitave është nga mbiçmimi i lekut. S’kemi as rënie të depozitave as normave. Strategjia e përdorimit të monedhës vendase kemi vlerësuar të ketë një efekt neutral. Parashikimet janë për një efekt në ulje e pozicioneve të monedhës së huaj 3-5vite. Nëse kemi një efekt psikologjik vjen nga tregu dhe nga zhurma e krijuar. Kemi flukse të larta hyrëse dhe faktorë fondamentalë që ne i kemi shpjeguar.

Nëse kemi një mbiçmim nga faktorët fondamentalë tregon një nivel të ri të ekonomisë. Por nëse kemi një mbiçmim më të lartë se faktorët fondamentalë ne pastaj shohim stabilitetin e çmimeve dhe do reagonim në përputhje me regjimin. Po monitorojmë kursin në mënyre ditore duke përcaktuar ecurinë. Jemi në të njëjtat konkluzione. Do u bëja thirrje agjentëve ekonomikë të mos bënin konvertime të nxitur nga oshilacionet e kursit. Çdo ndikim psikologjik ose i faktorëve të ndryshëm është gjithmonë i përkohshëm pra kalimtar.

Gent Sejko, Guvernator i BSH

Ekonomia në rritje, norma e interesit për lekun nuk ndryshon
Banka e Shqipërisë ka mbajtur të pandryshuar normën bazë të interesit për lekun në 1.25 për qind ndërkohe që për depozitat një ditorë në nivelet 0.25 lekë dhe 2.5 lekë. Lidhur me ecurinë e ekonomisë Sejko tha se po mbahet një trend pozitiv.

“Kushtet mbeten të përshtatshme për përmbushjen e objektivit të inflacionit. Ky i fundit shënoi një normë mesatare 1.9 për qind për 3 muaj e 2018 një rritje e lehtë në raport me 3 mujorin paraardhës”, tha Sejko duke nënvizuar se grupi i qirave ka kontribuar pozitivisht në inflacion.

Sipas tij, ekonomia shqiptare ka mbajtur edhe gjatë 3 mujorit të parë 2018 të njëjtin trend rritës si në tremujorin e fundit të 2017 të paktën sipas informacioneve të siguruara në mënyre indirekte.

TAG:
• banka e Shqiperise
• gent sejko
• renia e euros

Sondazhi i ditës:

Rithemelimi propozon rikthimin e koalicioneve të vjetra, a jeni dakord?

• Po

  18.9%

• Jo

  72.6%

• Nuk e di

  8.5%

Vota total: 1901

• Sondazhi i ditës:

  Rithemelimi propozon rikthimin e koalicioneve të vjetra, a jeni dakord?

  Po Jo Nuk e di