Rënia e gurëve, pezullohet nesër qarkullimi në rrugën nacionale të Gjegjanit! Bashkia Pukë: Ndërhyjmë edhe pse nuk është detyra jonë

Rënia e gurëve, pezullohet nesër qarkullimi në rrugën nacionale të Gjegjanit! Bashkia Pukë: Ndërhyjmë edhe pse nuk është detyra jonë

Vendi ku kanë rënë gurët dhe kanë bllokuar rrugën

Rënia e gurëve në rrugën nacionale Gjegjan-Mirditë ka bërë që Bashkia e Pukës të marrë vendimin për të pezulluar qarkullimin në këtë aks. Bashkia njofton se pezullimi do të bëhet nesër nga ora 11 deri në 13:00. Bashkia Pukë thotë se do të realizojnë ndërhyrje edhe pse nuk e kanë detyrë pasi rruga është në inventarin e ARRSH.

"Nisur nga rrezikshmëria me të cilën po përballen përdoruesit e segmentit rrugor nacional, Kryqëzim Hadroi – Gjegjan – Mirditë, Bashkia Pukë ka vendosur ndërhyrjen me forcat e veta për evitimin e rrezikut sa të jetë e mundur. Për këtë qëllim, nesër, e Hënë, datë, 18.01.2021, aksi rrugor Kryqëzim Hadroi – Gjegjan – Mirditë do të jetë i bllokuar nga ora 11:00 -13:00.

Janë të lutur të gjithë përdoruesit e këtij segmenti rrugor të na mirëkuptojnë me qëllim shmangien e rrezikut nga rënia e vazhdueshme e gurëve dhe pjesëve të tjera shkëmbore.

Edhe pse kjo ndërhyrje nuk është detyrim i bashkisë Pukë për shkak se segmenti është në inventarin e ARRSH, ndërhyrja realizohet me vendim të kreut të bashkisë Pukë, z.Gjon Gjonaj, nisur nga ankesat e shumta të qytetarëve të kësaj zone dhe rrezikun që kanoset në këtë pjesë territorjale në juridiksionin e bashkisë Pukë", thuhet në njoftim.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Këshilli Bashkiak i Himarës komandon kryetaren e Bashkisë, koalicioni Bashkë Fitojmë bashkon votat me PS

Këshilli Bashkiak i Himarës komandon kryetaren e Bashkisë, koalicioni Bashkë Fitojmë bashkon votat me PS