Richard Grenell: Tarifat të hiqen plotësisht, Albin Kurti po bën gabim serioz. Brukseli e quan hap pozitiv heqjen e pjesshme të taksës

Qeveria e Kosovës, gjatë javës së ardhshme do të marrë vendim që nga data 15 mars, të hiqet tarifa për lëndën e parë që importohet nga Serbia dhe Bosnjë e Hercegovina. Këtë e ka konfirmuar dje kryeministri i Kosovës, Albin Kurti, në një konferencë për media. Një vendim të tillë e ka mirëpritur edhe Zyra e Përfaqësuesit të Lartë të BE’së.

Përmes një deklarate të zëdhënësit të Shërbimit të Jashtëm të Bashkimit Europian, thuhet se “ky hap mund ta ofrojë një mundësi për rifillimin e dialogut mes Beogradit dhe Prishtinës, të ndihmuar nga Bashkimi Europian”, dhe se “Borrell është gati ta luajë rolin e tij si ndihmës në dialog”.

“Shumë kohë është humbur. Besimi duhet të restaurohet në mënyrë urgjente. Serbia dhe Kosova duhet ta krijojnë një ambient që është i favorshëm për vazhdimin e dialogut, për të mirën e të dyja vendeve” – thuhet mes të tjerash në deklaratë.

Por heqja e taksës e konceptuar si proces që do kalojë në disa faza nuk janë mbështetur nga Shtetet e Bashkuara të Amerikës.

I dërguari i Shtëpisë së Bardhë për dialogun në mes Kosovës dhe Serbisë, Richard Grenell në një postim në Twitter, ka shkruar se “nuk i mbështet masat gjysmake të kryeministrit Kurti”.

“Pozicioni ynë është mjaft i qartë: Tarifat duhet të hiqen plotësisht. Kurti është duke bërë një gabim serioz – dhe kjo i është bërë sot e qartë edhe presidentit Hashim Thaçi në Shtëpinë e Bardhë”, ka shkruar Grenell.

Në anën tjetër kryeministri Kurti ka deklaruar se fillimi i heqjes së tarifës, “është një shenjë e vullnetit të mirë”.

“Është shenjë e gatishmërisë sonë për fillim të zgjidhjes së mirëfilltë të mosmarrëveshjeve ekonomike, tregtare dhe politike me Serbinë”, ka thënë Kryeministri Kurti.

Ai u ka bërë ftesë autoriteteve të Serbisë që si përgjigje ndaj vendimit të palës së Kosovës, të zotohen se do ta ndërpresin fushatën për çnjohjen e pavarësisë së Kosovës, si dhe të nisin me eliminimin e barrierave tregtare jotarifore ndaj Kosovës.

Rendit zhvillimet sipas orarit:
Ora 15:37
Presidenti serb Aleksandër Vuçiç: Kryeministri Albin Kurti po mashtron...dhe tregon pse ai dje mori vendimin për taksën

Presidenti i Serbisë, Aleksander Vuçiç, e ka cilësuar të kalkuluar vendimin e Kryeministrit të Kosovës, Albin Kurti për heqjen përmes disa fazave të taksës 100% ndaj eksporteve të Serbisë dhe Bosnje Hercegovinës

Vuçiç tha se ajo e djeshmja ishte “një lëvizje taktike nga ana e Albin Kurtit dhe ndodhi një ditë para nisjes time për në Washington”, duke arsyetuar “në mënyrë që të mos e shtroja si problematikë në SHBA”.

Presidenti i Serbisë tha gjithashtu se emisari i presidentit Trump, Richard Grenell ka plotësisht të drejtë që e kundërshton vendimin e Kurtit për heqje të pjesshme të taksës.

Më herët Presidenti i Kosovës ka akuzuar kryeministrin Albin Kurti për prishje të marrëdhënieve me Shtetet e Bashkuara të Amerikës.

Në faqen e tij në Facebook, Hashim Thaçi shkruan se mungesa e  veprimeve dhe e vendimeve të mençura, e ka thelluar izolimin e Kosovës dhe ka prishur në mënyrë të ndjeshme raportet me SHBA-në.

I dërguari i Shtëpisë së Bardhë për dialogun në mes Kosovës dhe Serbisë, Richard Grenell në një postim në Twitter, ka shkruar se “nuk i mbështet masat gjysmake të kryeministrit Kurti”.

“Pozicioni ynë është mjaft i qartë: Tarifat duhet të hiqen plotësisht. Kurti është duke bërë një gabim serioz – dhe kjo i është bërë sot e qartë edhe presidentit Hashim Thaçi në Shtëpinë e Bardhë”, ka shkruar Grenell.

Ora 14:45
Presidenti Hashim Thaçi akuzon Kryeministrin Kurti për prishje të marrëdhënieve me SHBA: Po izolon Kosovën

Presidenti i Kosovës ka akuzuar kryeministrin Albin Kurti për prishje të marrëdhënieve me Shtetet e Bashkuara të Amerikës.

Në faqen e tij në Facebook, Hashim Thaçi shkruan se mungesa e  veprimeve dhe e vendimeve të mençura, e ka thelluar izolimin e Kosovës dhe ka prishur në mënyrë të ndjeshme raportet me SHBA-në.

Presidenti thotë se pa humbur kohë të merren vendimet e duhura strategjike, të cilat do ti jepnin fund izolimit dhe do ti japin mundësi dialogut për arritjen e marrëveshjes përfundimtare me Serbinë si dhe do forcojnë miqësinë e përhershme dhe bashkëpunimin strategjik me SHBA-në.

Hezitimi eventual për vendime të shpejta, të mençura, të plota e jo të pjesshme është i panevojshëm,- shkruan Thaçi-  sepse këto vendime janë rruga e vetme për t’i arritur qëllimet tona shtetërore dhe strategjike”

“Edhe kërkesa ime e qartë si president për qeverinë, për spektrin politik dhe mbi të gjitha për qytetarët e Kosovës është që pa humbur kohë të merren vendimet e duhura strategjike, të cilat i japin fund izolimit, i hapin mundësi dialogut për arritjen e marrëveshjes përfundimtare dhe e forcojnë miqësinë e përhershme dhe bashkëpunimin strategjik me SHBA-në. Hezitimi eventual për vendime të shpejta, të mençura, të plota e jo të pjesshme është i panevojshëm, sepse këto vendime janë rruga e vetme për t’i arritur qëllimet tona shtetërore dhe strategjike”, ka shkruar ai.


 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arbëri: 01/03/2020 17:32

    Hashimi don ta ringjall ndarjen e Kosovës...ky është tradhëtari më i madhë i Shqipërisë së sotme...!!!

    Përgjigju
  • Kanarina: 28/02/2020 17:51

    Edhe ju kosovaret cope cope si puna e jone po shkoni urrejte me shumice me njani tjetrin.

    Përgjigju
    • Shpipëria: 28/02/2020 23:00

      Shqipëria ka Jerusalem me marxist-leninizma e stalinista shumë gjiatë, ndersa në Kosovë që nga lufta e fundit me serbin ende i kemi po të njejtit në pushtet...! Thaqi është marksist-leninist dhe stalinist i përbetuar së bashku me bandat e tij në bashkounim me UDB-n sllave...! Mos u quditni se pse ndodhin këto përqarje...

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Në hetim në Gjermani për trafik kokaine nga Amerika Latine, SPAK sekuestron pasuritë e Princ Dobroshit dhe Olsi Syziut

Në hetim në Gjermani për trafik kokaine nga Amerika Latine, SPAK sekuestron pasuritë e Princ Dobroshit dhe Olsi Syziut