Rindërtimi pas tërmetit të 26 nëntorit, Rama në Laç: Ndryshon faqja e gjithë qytetit dhe cilësia e jetës për 800 familje (VIDEO)

LAÇ-Kryeministri Edi Rama, i shoqëruar nga ministri i Shtetit për Rindërtimin, Arben Ahmetaj, ish-ministrja Lindita Nikolla, dhe kryebashkiakja e Kurbinit, Majlinda Cara, vizitoi nga afër kantierin e ndërtimit në zonën 1 në Laç, ku do të ndërtohen qendra të reja banimi me pallate, për familjet të cilave banesat iu dëmtuan nga tërmeti i 26 nëntorit.

Kryeministri Rama në postimin në rrjetet sociale të videos live nga inspektimi në Laç shkruan se janë hedhur themelet e ka nisur ngritja e kolonave të pallateve të reja të Zonës 1 të qendrës së qytetit, ku do të ndërtohet edhe shkolla e re.

"Ndërkohë që sapo ka nisur infrastruktura e Zonës 2, e cila ndërkohë do të zgjidhë edhe problemin shumëvjeçar të përmbytjeve nga përroi i Laçit, për të vazhduar paralelisht me pallatet e reja, spitalin e ri, godinën e re të bashkisë dhe mjediset sportive e rekreative që do të ndryshojnë faqen e këtij qyteti bashkë me cilësinë e jetës për 800 familje të prekura nga tërmeti i vitit të shkuar", shkruan Rama.

Kryetarja e Bashkisë Kurbin e njoftoi Kryeministrin se në total investimi është 27 miliard investime i ofruar nga qeveria shqiptare dhe ajo turke.

Ministri Ahmetaj bëri me dije se për dy javë nisin themelet tek zona 1 dhe 2.

"Sado që ta dëgjojnë qytetarët, ata po nuk e panë, se besojnë. Ça t’i bësh. Dritan (i drejtohet shefit të kantierit shqiptar) vëllezërit tanë (turqit) kanë vendosur standard këtu. Duhet të mbajmë këtë standard me të gjitha godinat", porositi Rama.

Kujtojmw se një investim i tillë do të bëhet falë një donacioni të dhënë nga qeveria turke por dhe nga buxheti i shtetit shqiptar.

K.T./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ymeri: 25/11/2020 23:43

    BRAVO RAMA,,,VAZHDO ME KETO PROJEKTE TE MIRA...

    Përgjigju
    • Fredi: 26/11/2020 12:13

      Fal kryeministrit Rama jane te gjitha keto investime ti mira per popullin

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Greqi/ Qeveria Mitsotakis i mbijeton mocionit të mosbesimit në parlament, 158 deputetë votojnë kundër

Greqi/ Qeveria Mitsotakis i mbijeton mocionit të mosbesimit në parlament, 158 deputetë votojnë kundër