POP 5

Lajmet më të lexuara të 5 minutave të fundit

Sport

Rrezikohet mbijetesa në Superligë, sulmuesi i Skënderbeut: Kemi probleme me besimin, por këtë fundjavë mposhtim Tiranën (VIDEO)

Ecuria tepër negative ka vënë në pikëpyetje Skënderbeun e këtij sezoni që duket se do të luftojë për mbijetesë. Gjithsesi sulmuesi i korçarëve Elvi Berisha thotë se ky është vetëm një moment i keq, ndërsa kthesa do të vijë që të shtunën në përballjen me Tiranën.

Skënderbeu, skuadra e dekadës së kaluar në futbollin shqiptar, këtë sezon rrezikon seriozisht rënien nga Superliga. Aktualisht ‘ujqërit’ renditen të parafundit në kampionat me vetëm 5 pikë. Në 5 ndeshjet e fundit ata kanë marrë vetëm 1 barazim dhe katër humbje. Për Report Tv, sulmuesi i këtij ekipi, Elvi Berisha, thotë se është besimplotë që kriza do të kalojë.

Elvi Berisha: “Për momentin kemi marrë disa rezultate të këqija por besoj se kjo krizë do të kalojë dhe do ta kalojmë këtë ëvshtirësi.”

I pyetur se çfarë ka ndikuar në këtë ecuri mjaft negative Berisha përgjigjet:

“Mendoj që i mungon pak besimi. Kjo ka ardhur si pasojë e rezultateve të këqija.”

Ndeshja e ardhshme e Skënderbeut është kundër Tiranës, skuadrës kampione në fuqi. Sulmuesi i korçarëve thotë se pikërisht në një përballje si kjo do të vijë edhe kthesa.

Elvi Berisha: “Une personalisht mendoj se do të shohim një Skënderbe ndryshe. Çunat janë të motivuar dhe ne kemi folur. Duke parë kualitetin që kemi në ekip nuk mendoj se e meritojmë këtë pozicion. Me Tiranën mendoj se do të marrim tre pikët.”

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

'Emisioni ‘Report’ i Rai 3 na përdor për të sulmuar Melonin' Rama në kryefaqet e mediave italiane: Po hidhet baltë mbi Shqipërinë

'Emisioni ‘Report’ i Rai 3 na përdor për të sulmuar Melonin' Rama në kryefaqet e mediave italiane: Po hidhet baltë mbi Shqipërinë

25 Prill, 18:50